CJ076504

Der hat yn 'e Harkema in man wenne, dat wie Ruerd van der Veen. Dy wie tige rûch yn 'e mûle. Op in dei hied er oan 't dekken west op ien fan 'e plaetsen fan 't Bomkleaster. De jouns, doe't it dekken dien wie, gong er boven op 'e nael fan 'e skuorre sitten en doe rôp er: "Nou bin 'k net bang, foar de duvel net!" En dêr flokte er by.
Doe gong er nei hûs ta. It ark hied er by him yn in bakje. Hy gong de Skeanpaden del, dy't útkomme op Readskuorre.
Dêr lizze houtsjes oer de sleatten. (noch altyd)
Doe't er sahwat op healwei wie stie der in frommes op it houtsje dêr't hy oer moest. Hy miende dat it âlde Janne wie, de frou fan Anders Nikolai; dêr like se krekt op.
Hy sei: "Janne, dû mast dêr wei gean. Ik mat der oer."
Mar sy sei neat werom.
"Ik mat nei hûs", sei er, mar it minske sei net in wurd.
Dat gong sa wol oan trije, fjouwer kear ta.
Doe't it minske har hyltyd mar stil hâldde, sei er: "Hwat donder, dan sil 'k dy dêr wei skoppe!"
Doe kom hy èk op 't houtsje. Mar doe krige it minske egen sa great as thépantsjes.
Hy soe har pakke, mar sy pakte him. En sy smiet him boven oer de beammen hinne oer in stik lân oerdwars.
Doe is er krûpendewei thúskom.
De oare moarns hat Jan plak (dy hie in blau plak op 't gesicht) it ark opsocht.
Ruerd hat in pear wiken op bêd tahâlde matten, sa bot hie dat wiif him tamtearre. Hja hie skattere as in ekster.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Ruerd van der Veen is grof met de mond. Als hij een keer klaar is met het dakdekken van een boerderij in Boomklooster gaat hij op de schuur zitten en zegt dat hij niet voor de duivel bang is en vloekt erbij. Onderweg naar huis op het Skeanpad verspert een vrouw hem de weg. Hij denkt dat het Janne, de vrouw van Anders Nikolai is. Ondanks vragen, gaat de vrouw niet weg en op het moment dat hij haar wil pakken pakt ze hem en gooit hem over de bomen heen. Ruerd is een tijd uit de running geweest door de harde aanpak van de vrouw.

Collectie Jaarsma, verslag 765, verhaal 4

2 oktober 1969

Andere Begegnungen mit dem Teufel.

Ruerd van der Veen    Ruerd van der Veen   

Boomklooster    Boomklooster   

Skeanpad    Skeanpad   

Readskuorre    Readskuorre   

Janne    Janne   

Anders Nikolai    Anders Nikolai   

Jan    Jan   

Harkema    Harkema   

Bomkleaster    Bomkleaster   

Skeanpaden    Skeanpaden   

2013-03-01 14:46:21