CJ079406

Us heit hat soldaet west. 't Gebeurde op in kear, doe wie 't kermis yn Amsterdam. Dêr koenen se yn in swarte spegel sjen. Der wienen net folle, dy't dêr hinne gongen, de measten wienen der hwat skruten foar.
"Ik doar wòl", sei heit. Hy stapte der yn.
De frou sei tsjin him: "Jo matte aenst gjin angst foar de spegel ha. Hwant as der in deakiste foar komt wol dat sizze dat jo net trouwe sille. Sjogge jo de byltnis fan in frommes yn 'e spegel, dan wurdt dat jou frou."
Us heit seach yn 'e spegel. Der kom in faem foar, mar hy koe har net. 't Wie in fremd fanke, in swart, donker fanke. Heit wie in jonge baes en hy bigoun to laitsjen.
Us mem lake ús heit oan yn 'e spegel. Doe knikte heit har ta.
Mar dat mocht net. De frou sei: "Nou matte jo werom gean, soldaet, mar jo matte der achterstofoaren út."
Dat hat heit doe dien.
Doe trof er ús mem ris in kear op Ljouwerter merke.
Mem wenne to Ljouwert oan 't Saeilân.
't Wie deselde dy't er yn 'e swarte spegel sjoen hie, hy seach it daedlik. Fuort de earste kear koe er har der út.
Hy sei: "Dat is se."

SINSAG 0688 - Der Zauberspiegel    SINSAG 0688 - Der Zauberspiegel   

Op een kermis in Amsterdam kan men in de zwarte spiegel zijn of men later gaat trouwen of niet. Als er een doodskist verschijnt, blijf je ongetrouwd en een beeld van een vrouw wordt je toekomstige partner. Vader ziet in de spiegel in voor hem onbekende vrouw. Later treft hij haar aan op de markt in Leeuwarden en wordt inderdaad zijn vrouw.

Collectie Jaarsma, verslag 794, verhaal 6

13 november 1969

Der Zauberspiegel.

Saeilân    Saeilân   

Amsterdam    Amsterdam   

Noord-Holland    Noord-Holland   

Saeiland    Saeiland   

Ljouwert    Ljouwert   

Leeuwarden    Leeuwarden   

Friesland    Friesland   

2013-03-01 14:46:21