SPINR027 - Die evangelien vanden spinrocke

370 ¶ Het xxvi. capittel.
"Ten eynde van minen capittelen, so seg ic u: als een vrou een
quade borst heeft, soe en derf sy anders nyet doen, dan dat haer
man daer om drie ringen make met sinen vinger." (Glose) Sandrine
Saengereet seit datmen verstaen soude, dese drie ringen behoren
375 gemaect te worden beneden den buycke, onder die gordel stadt.
¶ Mitds dier conclusien, begosten alle die daer saten te lachen,
ende presen seer hoochlijck vrou Ysengrine dat sy haer evangelien
soe wel achtervolghet had, ende ghedeilt in .xxvi. articulen,
ende geloefdent dat sise souden onthouden om voert te kundigen
380 an deren, dye te dyer lessen nyet gheweest en hadden. Ick haecte
seer nae deynde, want mij papier ende keersen ghebraken,
ende den slaep verwan mij, wantet bider middernacht was.
Ende so woudick nemen orlof, maersy baden mi, dat icker een
kiesen soude tegen des ander daghes, die dan lesen soude haer
385 evangelien. Ende soe vielen si bi een, ende kosen eendrachteliken
een joncfrouwe gheheeten Transselyne die Croeck, die welck den
last aen nam, my seere biddende dat ick haer in dien stuck oeck
dienen woude.

Maandag, zesentwintigste kapittel. Als een vrouw een kwaadaardige moederborst heeft dan kan de man dit oplossen door met zijn vinger drie cirkels net onder de buik te maken. Met deze wijsheid komt de maandagavond tot een einde. Transselyne die Croeck wordt voor de volgende avond gekozen.

G.J.Boekenoogen (ed.): Die evangelien vanden spinrocke. 's-Gravenhage 1910 (facsimile)

ca. 1520

Sandrine Saengereet    Sandrine Saengereet   

Ysengrine    Ysengrine   

Transselyne die Croeck    Transselyne die Croeck   

2013-03-01 14:46:20