CJ080301

Heit (Jan Kootstra) en sterke Hearke wienen arbeiders op it Bomkleaster by Bindert Japiks Kloosterman.
Hearke wie net ien fan 'e fluchsten. Boeren binne yn 'e tiid fan 'e haeijing ornaris gleonhastich en sa wie 't ek wol hwat mei Bindert Japiks.
Doe't se der mei in weinfol hea oanriden kommen, sei er tsjin Hearke: "Nou moest it oars al in bytsje hurd gean, Hearke, oars komme wy net troch de ûngetiid hinne."
"Dat is bêst, boer", sei Hearke.
De wein mei it foer hea der op kom foar de golle to stean. Trije man stienen op 'e golle. Hearke stie allinne op 'e wein.
Hearke krige in nije foarke fan 'e boer. Hy sette de foarke yn 't hea en soe der in ûnfoech stik útpjukke, sûnder der nei to sjen hoe't de stikken laden wienen, mar dat wie krak. De stâlle briek.
"Sa kin it net," sei Bindert Japiks, "dû makkest myn ark stikken."
"It ark mat neffens de man wêze", sei Hearke.
Hy krige nou in foarke mei in dikke stâlle. En doe bigong er opnij. It wienen stikken hea, dy't er nei boven stiik, sa ûnbidich, dat it woarde der tsjuster oer. De trije man dêr boppe op 'e golle koenen meielkoar net tille hwat Hearke op ien foarkfol laedde. Sy moesten it fuortrolje. Sy wienen der skjin forlegen mei.
Mar in pear kearen hoefde Hearke de foarke yn it hea to stekken, doe wie de wein leech.

TM 2801 - Sterke man (vrouw)    TM 2801 - Sterke man (vrouw)   

Een boer zei tegen Sterke Hearke dat ze het werk snel moesten afmaken. Hearke gebruikte een nieuwe hooivork, maar nam zoveel hooi, dat de steel brak. Toen kreeg hij een speciale vork met een dikke steel. Maar de grote stukken hooi die hij op de wagen laadde, konden de mannen met z'n drieen niet verder tillen. Ze moesten het rollen.

Corpus Jaarsma, verslag 803, verhaal 1

20 juni 1969

Sterke man (vrouw)

Jan Kootstra    Jan Kootstra   

Sterke Hearke    Sterke Hearke   

Bomklooster    Bomklooster   

Bindert Japiks Kloosterman    Bindert Japiks Kloosterman   

Bomkleaster    Bomkleaster   

2013-03-01 14:46:21