CJ113119

Der wie in doomny, dy slachte frauduleus in kou.
Dy kou hied er ophongen.
De oare moarns, doe't er fan bêd kaem, doe hong dy kou dêr net mear. Se hienen him de kou yn 'e nacht ûntstellen.
Doe't syn frou it hearde, sei se: "Dat is diefstal, dat mast oanjaen."
"Né," sei de doomny, "dat jow ik net oan. Ik mocht ommers net iens slachtsje. Ik ha 't klandestyn dien.
Mar wiste hwa't it my lapt hat? Dat hat dy forrekte slachter hjir yn 't doarp dien. Net ien oars."
Doe trof de doomny dyselde moarns de jonge fan 'e slachter yn it doarp.
Doomny sei tsjin him: "Hea jonge, ik hie in kou slachte, mar nou is er my ûntstellen. Witstû hwer't er sit?"
"Welné," sei de jonge, "hoe soe ik dat witte?"
"Nou," sei de doomny, "dû wolst graech hwat fortsjinje, net?"
"Ja", sei de jonge.
"Nou," sei de doomny, "dan hoechst oars net to dwaen as dit. Dû komst takomme snein-to-moarn by my yn tsjerke en dan hoechst mar fjouwer rigeltsjes op to sizzen, dan krigestû 25 goune fan my."
De jonge sei: "Ofpraet. Hwat mat ik dan sizze?"
De doomny sei: "Hoechst oars neat to sizzen as dit:
Ons dominé, ons dominé, ons dominé in 't Woud,
die heeft vannacht een koe geslacht,
die hangt bij vader in 't zout.
"Goed", sei de jonge.
Doe kaem er thús en doe sei er tsjin syn mem: "Ik kin snein-to-moarn in moai dofke fortsjinje: 25 goune! Dêr hoef ik allinne mar fjouwer rigeltsjes foar op to sizzen." Doe rôp dat minske har man, de slachter, en sei: "Kom hjir ris even. Dy jonge kin 25 goune fortsjinje by de doomny. Dan hoeft er allinne mar in pear rigeltsjes op to sizzen snein, ûnder 'e preek. Dat is noch mear as de doomny sels fortsjinnet. Hwat soe der achter sitte?"
Doe sei de slachter tsjin 'e jonge: "Hwat mastû sizze?"
Doe sei de jonge:
"Ons dominé, ons dominé, ons dominé in 't Woud,
die heeft vannacht een koe geslacht,
die hangt bij vader in 't zout."
Doe sei de slachter gau: "Dat seist om 'e bliksem net."
Hy sei: "Astû der sa hyt op bist hwat to fortsjinjen, dan krijste fan my 25 goune mei noch in nij pak klean der op ta. Dan hoechstû èk mar fjouwer rigeltsjes op to sizzen."
De jonge gong de sneins dêroan nei tsjerke ta.
De doomny sjocht de jonge oankommen en winkt him ta:
"Kom mar by my op 'e preekstoel."
En doe sei doomny tsjin 't publiek: "Door deze jongen zal de waarheid verkondigd worden."
"Spreek maar op", sei er tsjin 'e jonge.
De jonge sei:
"Ons dominé, ons dominé, ons dominé in 't Woud,
die heeft een meid met jong gemaakt,
die heeft hij niet getrouwd."

AT 1735A - The Bribed Boy Sings the Wrong Song    AT 1735A - The Bribed Boy Sings the Wrong Song   

ATU 1735A - The Wrong Song    ATU 1735A - The Wrong Song   

Een dominee slacht ongeoorloofd een koe. Als de koe de volgende dag gestolen is, kan de dominee de diefstal niet aangeven omdat de slachting niet toegestaan was. Omdat de dominee vermoedt dat de slachter de dader is, probeert hij de zoon van de slachter over te halen de diefstal van zijn vader voor een voltallige kerkgemeente aan de orde te stellen. Als de jongen tijdens de preek de vier regeltjes 'Ons dominé, ons dominé, ons dominé in 't Woud, die heeft vannacht een koe geslacht, die hangt bij vader in 't zout' opzegt, zal hij beloond worden met vijfentwintig gulden. De jongen vertelt het hele verhaal thuis en zijn vader - de slachter - verandert snel de tekst. De vader stelt de jongen ook een geeltje in het vooruitzicht als hij zal willen opzeggen 'Ons dominé, ons dominé, ons dominé in 't Woud, die heeft een meid met jong gemaakt, die heeft hij niet getrouwd'. Als de jongen op teken van de dominee naar voren wordt gehaald als 'de verkondiger van de waarheid', laat hij de tekst van zijn vader door de kerk schallen.

Collectie Jaarsma, verslag 1131, verhaal 19 (archief MI)

22 augustus 1974

The Bribed Boy Sings the Wrong Song

Woud    Woud   

2013-03-01 14:46:21