CJ114412

Der wie in boer, dy hie in pleats fan 'e Roomse tsjerke yn 'e hier. It wie min lân dat der om dy pleats hinne lei. Dêrom woe dy boer hwat minder hier bitelje. Doe stjûrde er biricht nei de roomse tsjerke. Hy krige biricht werom dat de pastoar soe komme to sjen. En dat gebeurde, de pastoar dy kaem op 'e fêststelde dei.
De pastoar siet dêr to thédrinken mei in sigaer der by en doe gong er mei de boer op stap om it lân to besjen. Doe kaem er yn 't earste stik lân. De pastoar seach wol dat it min lân wie. Doe sei de pastoar: "Hjir sil ik foar bidde."
Doe gongen se nei it twadde stik lân ta. Dat wie nòch minder as 't earste. Doe sei de pastoar: "Hjir sil ik in mis foar opdrage."
Doe kamen se by 't trêdde stik lân. Dat wie nòch folle minder. Doe sei de pastoar: "Ja, hjir mat stront oer."

Een boer huurt een stuk land van een roomse kerk maar is erg ontevreden over het land. Als de boer de kerk bericht minder huur te willen betalen wegens de slechte kwaliteit van het land, spoedt de pastoor zich naar hem toe om het land te bekijken. De pastoor verklaart voor een eerste stuk land te willen bidden. Voor een tweede stuk land zal hij een mis opdragen. Een derde stuk land – dat wel van héél slechte kwaliteit is – heeft iets anders nodig: 'Daar moet stront over', beslist de pastoor.

Collectie Jaarsma, verslag 1144, verhaal 12 (archief MI)

16 september 1974

Roomse    Roomse   

2013-03-01 14:46:21