CJ121913

Piter Poes kaem út 'e kusten fan Liphuzen. Dêr wie er wol hwat bikind. Op in kear wie er dêr hinne. Doe't er wer nei Sumarreheide ta soe trof er twa advokaten.
Dy soenen út to riden nei Garyp ta. It wienen Lubbert en Olfert. Piter Poes koe se wol. It wienen greate stjonkerts. Se rûpelen it gewoane folk út. It wienen hiele minnen.
Piter frege of er mei ride koe en dat gong oan. Underweis hearde er nei har forhalen. It wienen allegearre gemene streken dy't se úthelle hienen. Yn Garyp hienen se in pear saken to bidisseljen dêr't ek al in luchtsje oan siet.
Piter tocht: dy mannen matte út 'e sirkulaesje wei foar't se noch mear lju ûngelokkich meitsje.
Doe't se yn Garyp oankamen seinen se: "Nou matte wy hjir hâlde."
"Ho!" seinen se tsjin 'e hynders.
Mar Piter Poes sei: "Trochride. Trochride."
En de hynders rounen troch. Hja seinen ho, ho, mar tsjin 'e kunsten fan Piter koenen se net op. It gong sa hurd, dat se koenen ek net út 'e wein weikomme.
Hja wienen al troch Garyp hinne en rieden de Earnewâldsterdyk del en doe de Prikwei yn. Doe't se de Prikwei hawn hienen rieden se oerdwars in stik lân yn. Dêr hâldden se stil.
"Hjir sille jimme altyd bliuwe", sei Piter Poes. En dat is ek sa gebeurd. Se ha it lân noait wer forlitte kind en waerje der noch altyd as spûken roun. It stik lân krige de namme fan advokatelân. (Dêr njonken leit de Spûketsien, dat eigendom is fan 'e Eastemarre tsjerke.)

SINSAG 0410 - Der gebannte Geist.    SINSAG 0410 - Der gebannte Geist.   

Duivelbanner Piter Poes verbant twee gemene advocaten die het volk uitbuiten naar een stuk land dat daarna de naam 'Advocatenland' draagt. De advocaten blijven altijd op het stuk land ronddolen.

Collectie Jaarsma, verslag 1219, verhaal 13 (archief MI)

30 augustus 1979

Der gebannte Geist.

Piter Poes    Piter Poes   

Liphuzen    Liphuzen   

Lubbert    Lubbert   

Olfert    Olfert   

Piter    Piter   

Spûketsien    Spûketsien   

Sumarreheide    Sumarreheide   

Garyp    Garyp   

Earnewâldsterdyk    Earnewâldsterdyk   

Prikwei    Prikwei   

Eastermar    Eastermar   

2013-03-01 14:46:21