CJ084803

Op in kear - 't wie de jouns let - kom ik thús fan 'e sjongforiening. Ik moest earst even nei de W.C., dy wie by de skuorre. Doe seach ik Nero dêr ús houn. Nero wie myn greatste freon altyd, mar doe't ik him op dat stuit seach, woarde ik deabinaud. Hy kom by my mei de sturt tusken de poaten. Ik doarst net nei him to sjen, sa bang wie 'k. Ik smiet de doar fan 't húske ticht, dat er mar net by my komme soe. Mem rôp my noch fan 't bêd ta: "Mast de bûtendoar los litte, hwant heit en Hindrik matte noch thús komme. Dy binne nei de Pein, nei beppe ta."
Ik die de doar ticht, sa hurd ik koe en ik wie net earder rêstich as doe't ik goed en wol yn 'e hûs wie sûnder Nero. Der wie gjin better houn as Nero, en ek gjin goeder en trouwer dier. Moarns gongen wy altyd mei de hounekarre to melken en 't soe noait misse as dat earme dier stie al tusken de tiksels ús op to wachtsjen.
Mar de oare moarns wie Nero der net. Hoe't wy rôpen, der kom gjin antwurd. Doe sykje. En doe founen wy him dea lizzen op 'e trambaen. Hy wie troch de tram oanriden woarn.
It beest mat der grif in foargefoel fan hawn ha. Mar hoe koe it nou, dat ik sa bang wie foar it beest?

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Een jongen was dol op zijn hond Nero. Maar op een avond was hij doodsbang voor het dier. Hij liep met zijn staart tussen zijn benen, en de jongen liet hem niet in het huis. De volgende dag vonden ze het dier dood op de trambaan liggen. De hond heeft er een voorgevoel van moeten hebben, maar waarom was de jongen zo bang?

Corpus Jaarsma, verslag 848, verhaal 3

13 juli 1971

Andere Todesvorzeichen.

Hindrik    Hindrik   

Nero    Nero   

de Pein    de Pein   

2013-03-01 14:46:21