CJ087704

Pake koe mear as sljochtwei. It wie ek ris in kear doe wie er wer to meanen by in boer achter Ljouwert. Hy en in maet. Pake woe in goed bêd ha. Sy slepten meastal yn 't strie. Doe't se dy jouns rêste soenen brocht de boer se nei de skuorre, dêr't se yn 't strie lizze moesten. Hy bringt se troch de middeldoar dêrhinne en docht de skoattel dêr goed op as hy se dêr litten hat.
Mar de boer wie noch mar goed en wol yn 'e hûs of dêr stie Mike Ruerd ek al. Hy koe troch de tichte doarren hinne.
"Dit is in forduld raer spul", sei de boer. Hy brocht pake wer nei de skuorre en sloech in grouwe spiker foar de doar.
"Dy krijt er net iepen", tocht er.
Mar even letter, dêr stie pake al wer by him yn 'e keamer.
In doar koe net sa fêst sitte of Mike Ruerd krige him iepen.
Doe joech de boer it forlern en hy joech de beide mannen in bêd. Mar de oare deis krigen se ûntslach. Hy hie 't net op sokke mannen bigrepen.
Doe gongen pake en syn maet nei in café ta. Dêr siet in protsje manlju to kaertspyljen.
"Ek in potsje mei, jonges?" fregen se. Dêr wienen pake en syn maet wol foar to finen. Doe liet Mike Ruerd dy mannen sa fûl spylje, dat sy hienen gjin jild mear op 't lêst. Doe setten se de jas yn. Dy wounen pake en syn maet èk noch. Sy sochten elk in goede jas út - de oaren hoechden se net, dy lieten se lizze - en sa gongen se op hûs yn.

SINSAG 0750 - Andere Zauberei.    SINSAG 0750 - Andere Zauberei.   

Een man kon alle deuren openen. Toen hij eens bij een boer werkte, wilde hij in een bed slapen, en niet op het stro in de schuur. Maar de boer bracht hem naar de schuur en deed de deur op slot, en spijkerde er later zelfs een spijker door. Maar toch stond de man elke keer weer bij hem binnen. Toen heeft hij hem maar een bed gegeven.

Corpus Jaarsma, verslag 877, verhaal 4

31 augustus 1971

Andere Zauberei.

2013-03-01 14:46:21