Hoofdtekst
Der wie in dûmny, dy hie in grouwe baerch yn 'e skoarstien hingjen. Achter de pasterije stie in âld hûs, dêr wenne in greate húshâlding yn. 't Wie dêr earmoede en de bern gongen faek mei honger op bêd. Doe ûnthelle op in nacht de heit fan dy bern dûmny dy bêste baerch.
Dûmny hie wol formoedens hwa't it dien hie, mar hy koe neat biwize.
Hy frege it âldste jonkje alris út, hwat se ieten en sa, mar dêr woarde er neat wizer troch.
Doe sei er tsjin 't jonkje: "Astû snein by my komste yn tsjerke, dan krijstû fiif goune fan my. Dan mastû dêr hwat sizze. Wolst dat wol?"
It jonkje sei: "Ik ha gjin klean om nei tsjerke ta."
"Dan krijst ek in moai jaske en broekje fan dûmny."
Doe sei 't jonkje: "Dan sil 'k ús heit wolris freegje. Hwat mat ik dan sizze, dûmny?"
Dû matst sizze:
"De dominé, de dominé, de dominé van 't Woud
die heeft het varken geslacht en mijn vader heeft het in 't zout."
It jonkje sei: "Ik sil 't heit freegje, as 't goed is. Dan siz ik it wol."
Syn heit foun it goed. "Dû meist it wol sizze," sei er, "mar it mat in lyts bytsje oars. Dat sil ik dy wol foarsizze."
De sneins gong it jonkje yn syn nij pakje nei tsjerke.
Doe't it oargel spile hie en dûmny it gebed dien hie, sei er: "En hier is een kind, dat zal ons de waarheid vertellen. Spreek op maar, jongen."
Doe kom de jonge oerein en hy sei tige dúdlik dat elkenien 't forstean koe:
"De dominé, de dominé, de dominé van 't Woud,
die heeft een meid met jong gemaakt en heeft ze nooit getrouwd."
Dûmny hie wol formoedens hwa't it dien hie, mar hy koe neat biwize.
Hy frege it âldste jonkje alris út, hwat se ieten en sa, mar dêr woarde er neat wizer troch.
Doe sei er tsjin 't jonkje: "Astû snein by my komste yn tsjerke, dan krijstû fiif goune fan my. Dan mastû dêr hwat sizze. Wolst dat wol?"
It jonkje sei: "Ik ha gjin klean om nei tsjerke ta."
"Dan krijst ek in moai jaske en broekje fan dûmny."
Doe sei 't jonkje: "Dan sil 'k ús heit wolris freegje. Hwat mat ik dan sizze, dûmny?"
Dû matst sizze:
"De dominé, de dominé, de dominé van 't Woud
die heeft het varken geslacht en mijn vader heeft het in 't zout."
It jonkje sei: "Ik sil 't heit freegje, as 't goed is. Dan siz ik it wol."
Syn heit foun it goed. "Dû meist it wol sizze," sei er, "mar it mat in lyts bytsje oars. Dat sil ik dy wol foarsizze."
De sneins gong it jonkje yn syn nij pakje nei tsjerke.
Doe't it oargel spile hie en dûmny it gebed dien hie, sei er: "En hier is een kind, dat zal ons de waarheid vertellen. Spreek op maar, jongen."
Doe kom de jonge oerein en hy sei tige dúdlik dat elkenien 't forstean koe:
"De dominé, de dominé, de dominé van 't Woud,
die heeft een meid met jong gemaakt en heeft ze nooit getrouwd."
Onderwerp
AT 1735A - The Bribed Boy Sings the Wrong Song 
AT 1735A - The Bribed Boy Sings the Wrong Song 
ATU 1735A - The Wrong Song
ATU 1735A - The Wrong Song
Beschrijving
De dominee verdacht een man ervan zijn varken te hebben gestolen. Hij vroeg het zoontje om voor vijf gulden in de kerk te komen zeggen: "De dominee, de dominee, de dominee van het Woud, die heeft het varken geslacht, en mijn vader heeft het in het zout." De jongen vroeg toestemming aan zijn vader. Deze vond het goed, maar leerde de jongen een andere tekst. En dus zei de jongen in de kerk: "De dominee, de dominee, de dominee van het Woud, die heeft een meid met jong gemaakt, en heeft ze nooit getrouwd."
Bron
Corpus Jaarsma, verslag 888, verhaal 6
Commentaar
20 juli 1971
The Bribed Boy Sings the Wrong Song
Datum Invoer
2013-03-01 14:46:21