CJ092003

Moosi en Sjampi mochten graech handelje. Op in kear, doe kom Moosi by Sjampi en doe stie dêr in moai âld kammenet yn 'e hûs.
"Hwer hast dat wei?" frege Moosi.
"Dat ha 'k kocht", sei Sjampi.
Moosi tocht, dêr sit grif wol hwat yn dy handel fan sa'n kammenet, oars hie Sjampi 't net kocht, dat hy sei:
"Ik wol 't wol fan dy oernimme. Dan krigest f 25- winst." Forkocht, sei Sjampi. It kammenet gong nei Moosi ta.
De oare wyks kom Sjampi by Moosi. It kammenet stie yn 'e keamer.
In moai kammenet oars, tocht Sjampi. Hast it noch net forkocht?
Né, sei Moosi.
Sjampi tocht: Hy sjocht dêr grif hwat yn, oars stiet it hjir net in wike lang. Ik mat it mar wer fan him keapje. Hy sei:
"Ik nim it wer fan dy oer foar f 25- mear.
"Forkocht", sei Moosi.
Sa gong dat mar stees hinne en wer. Dan hie de iene it kammenet wer en dan de oare.
Mar op in kear kom Moosi by Sjampi, doe stie 't kammenet dêr net mear.
"Hwat is der mei 't kammenet gebeurd?" frege Moosi.
"Forkocht", sei Sjampi.
"Hoe koest dat nou dwaen," sei Moosi, "wy fortsjinnen der ommers om 'e oare wike sa moai oan."

Moosi en Sjampi kochten een tijd lang van elkaar een kastje, elke keer voor 25 gulden meer. Op een keer verkocht Moosi het ding echter aan een ander. Dat vond Sjampi jammer, want ze verdienden er elke week zo leuk aan.

Corpus Jaarsma, verslag 920, verhaal 3

3 september 1972

Sjampi    Sjampi   

Moos    Moos   

Sam    Sam   

Moosi    Moosi   

2013-03-01 14:46:21