Hoofdtekst
Die .CLXXXVI. cluchte.
Ghelijck ick hebbe hooren segghen, soo warender twee borghers te ZURICH die metten anderen so langhe gedingt hadden dat si schier den anderen verdorven hadden. Op eenen tijt seyde die een tot sinen sone: 'Treckt u harnasch aen, so wil ick dat mijne oock aentrecken, ende neemt u hellebaerde op die schouderen, so wil ick dye mijne ooc nemen.' Ende ghinghen soo metten anderen totten huyse van haerder partyen ende clopten aen dye duere. Haer wederpartye sach ter vensteren uut ende sach dat zijn viant daer was ende seyde tot sinen knecht: 'Coemt, wy willen ons oock oprusten.' Ende ghinghen af ende stonden so alle vier teghen den anderen. Doen seyde die huysvader: 'Wat bediede 't dat ghi also tot mi coemt?' Dese antwoorde: 'Ick coem in allen goede tot u. Wy staen metten anderen te rechte ende hebben den anderen schier verdorven. Ende waer 't dat wy den anderen gansch verdorven, so soude yegelijc met ons gecken. Ende niemant en is in 't gansch landt die onderstaet ons twee te vereenighen. So hebt gy een dochter ende ick hebbe eenen soon, laet ons die tesamen gheven ende een houwelijck maken. Vergheeft my, ick sal u oock vergheven, ende laet ons daerna goede vrienden blijven.' Sijn wederpaertije antwoorde ende seyde: 'Bi mijnen eedt, ghi segt recht, het is mi lief.' Ende riep syn dochter ende hielt haer de sake voor ende vraechde haer oft sy 't oock doen woude. Si antwoorde: 'Ja.' Also worde dat huwelijc opgheslaghen, ende begosten te coken in beyde die huysen. Ende cleeden haer op 't fraeste ende aten ende droncken ende dansten. Ende nooden oock den anderen heeren daer toe. Doen verwonderde hem yeghelijck van dier haestelijcker veranderinghen.
Ghelijck ick hebbe hooren segghen, soo warender twee borghers te ZURICH die metten anderen so langhe gedingt hadden dat si schier den anderen verdorven hadden. Op eenen tijt seyde die een tot sinen sone: 'Treckt u harnasch aen, so wil ick dat mijne oock aentrecken, ende neemt u hellebaerde op die schouderen, so wil ick dye mijne ooc nemen.' Ende ghinghen soo metten anderen totten huyse van haerder partyen ende clopten aen dye duere. Haer wederpartye sach ter vensteren uut ende sach dat zijn viant daer was ende seyde tot sinen knecht: 'Coemt, wy willen ons oock oprusten.' Ende ghinghen af ende stonden so alle vier teghen den anderen. Doen seyde die huysvader: 'Wat bediede 't dat ghi also tot mi coemt?' Dese antwoorde: 'Ick coem in allen goede tot u. Wy staen metten anderen te rechte ende hebben den anderen schier verdorven. Ende waer 't dat wy den anderen gansch verdorven, so soude yegelijc met ons gecken. Ende niemant en is in 't gansch landt die onderstaet ons twee te vereenighen. So hebt gy een dochter ende ick hebbe eenen soon, laet ons die tesamen gheven ende een houwelijck maken. Vergheeft my, ick sal u oock vergheven, ende laet ons daerna goede vrienden blijven.' Sijn wederpaertije antwoorde ende seyde: 'Bi mijnen eedt, ghi segt recht, het is mi lief.' Ende riep syn dochter ende hielt haer de sake voor ende vraechde haer oft sy 't oock doen woude. Si antwoorde: 'Ja.' Also worde dat huwelijc opgheslaghen, ende begosten te coken in beyde die huysen. Ende cleeden haer op 't fraeste ende aten ende droncken ende dansten. Ende nooden oock den anderen heeren daer toe. Doen verwonderde hem yeghelijck van dier haestelijcker veranderinghen.
Beschrijving
Twee burgers waren vijanden. Een ervan ging met zijn zoon in zijn harnas en gewapend naar het huis van de ander. Ook die kwam met zijn knecht volledig uitgerust naar buiten. De burger kwam echter alleen met zijn zoon om te onderhandelen. Hij wilde de twee families verenigen, door zijn zoon met de dochter van de ander te laten trouwen. Zo gebeurde het, en de vete was voorbij.
Bron
H. Pleij, J. van Grinsven, D. Schouten & F. van Thijn: Een Nyeuwe Clucht Boeck. Een zestiende-eeuwse anekdotenverzameling. Muiderberg 1983.
Commentaar
1554
Bron: Pauli, Schimpf und Ernst 402
Naam Locatie in Tekst
Zurich 
Zurich 
Datum Invoer
2013-03-01 14:46:22