Hoofdtekst
Van vader ende moeder.
Die .CCII. cluchte.
Een rijc man hadde dry dochteren besteet ende haer daertoe gegeven haer behorte. Ende hiel soe huys met eenen joncwijve die een vrome ende goede was. Ende hi begost den kinderen te lanck te leven. Si quelden hem vast dat hi haer zijn goet overgheven soude, so souden si hem allen syn leefdaghe houden, ende een eyghen camer in gheven ende hem dat beste eeten ende drincken gheven. Die vader overgaf haer alle syn goet ende quam tot haer. In dat eerste jaer worden hy wel ghetracteert. Dat ander jaer, soo seyde si: 'Vader, ghy ligt my alleen op den hals, gaet oock totten anderen, want si hebben even also veel ontfanghen als ick.' Die vader sach wel dat hi onweert gheworden was ende ghinck met eenen borgher te rade. Dye borgher gaf hem een oude kiste daer sant ende steen in was ende dede se hem in zijn huys draghen. Ende seyde totter dochter dat si hem een muecken ende dry keersen leenen soude, hi hadde wat te rekenen. Doen sat dye vader den halven nacht en clincten alsoft hy al guldens ghetelt hadde. Des morghens liet hy met opset een stuck ghelts in dat muecken ligghen, ende gaf 't synder dochter. Des dochters man seyde: 'Vader, ghy hebt al den nacht met ghelde besich gheweest, ick hebt 't wel ghehoort.' Hy antwoorde: 'lck heb noch wat in een kiste behouden ende die sal ick nae mijn doot geven die my aldervriendelijcste is.' Doen si dat hoorden, woude hem yeghelijck hebben ende keven om hem; hy wert wel getracteert. Als hi sterven soude ende saghen dat aen hem geen hoope meer en was, ghingen si over de kiste. Doen lach sant ende steen ende een cudse daer in. Op dye cudse stont gheschreven in ENGHELSCHER spraken: 'Cont ende kenlijc si der gansscher werelt, dat hi weert is dat men hem met stocken slae, die sinen kinderen so veel geeft dat hi selfs ghebrec lijden moet.' Si saghen den anderen aen ende schaemden haer.
Die .CCII. cluchte.
Een rijc man hadde dry dochteren besteet ende haer daertoe gegeven haer behorte. Ende hiel soe huys met eenen joncwijve die een vrome ende goede was. Ende hi begost den kinderen te lanck te leven. Si quelden hem vast dat hi haer zijn goet overgheven soude, so souden si hem allen syn leefdaghe houden, ende een eyghen camer in gheven ende hem dat beste eeten ende drincken gheven. Die vader overgaf haer alle syn goet ende quam tot haer. In dat eerste jaer worden hy wel ghetracteert. Dat ander jaer, soo seyde si: 'Vader, ghy ligt my alleen op den hals, gaet oock totten anderen, want si hebben even also veel ontfanghen als ick.' Die vader sach wel dat hi onweert gheworden was ende ghinck met eenen borgher te rade. Dye borgher gaf hem een oude kiste daer sant ende steen in was ende dede se hem in zijn huys draghen. Ende seyde totter dochter dat si hem een muecken ende dry keersen leenen soude, hi hadde wat te rekenen. Doen sat dye vader den halven nacht en clincten alsoft hy al guldens ghetelt hadde. Des morghens liet hy met opset een stuck ghelts in dat muecken ligghen, ende gaf 't synder dochter. Des dochters man seyde: 'Vader, ghy hebt al den nacht met ghelde besich gheweest, ick hebt 't wel ghehoort.' Hy antwoorde: 'lck heb noch wat in een kiste behouden ende die sal ick nae mijn doot geven die my aldervriendelijcste is.' Doen si dat hoorden, woude hem yeghelijck hebben ende keven om hem; hy wert wel getracteert. Als hi sterven soude ende saghen dat aen hem geen hoope meer en was, ghingen si over de kiste. Doen lach sant ende steen ende een cudse daer in. Op dye cudse stont gheschreven in ENGHELSCHER spraken: 'Cont ende kenlijc si der gansscher werelt, dat hi weert is dat men hem met stocken slae, die sinen kinderen so veel geeft dat hi selfs ghebrec lijden moet.' Si saghen den anderen aen ende schaemden haer.
Onderwerp
AT 0982 - Supposed Chest of Gold Induces Children to Care for Aged Father 
AT 0982 - Supposed Chest of Gold Induces Children to Care for Aged Father 
ATU 0982 - The Pretended Inheritance
ATU 0982 - The Pretended Inheritance
Beschrijving
De kinderen van een rijke man zeurden om hun erfenis. In ruil voor al zijn geld zouden zij de rest van zijn leven voor hem zorgen. Maar na een tijdje behandelden de kinderen hun vader slecht. Hij deed toen net of hij een kist vol geld had, die hij zou geven aan de vriendelijkste van zijn kinderen. Tot zijn dood zorgden zij toen goed voor hem, en daarna bleek dat de kist vol zand en stenen zat.
Bron
H. Pleij, J. van Grinsven, D. Schouten & F. van Thijn: Een Nyeuwe Clucht Boeck. Een zestiende-eeuwse anekdotenverzameling. Muiderberg 1983.
Commentaar
1554
Bron: Pauli, Schimpf und Ernst 435
Supposed Chest of Gold Induces Children to Care for Aged Father
Datum Invoer
2013-03-01 14:46:22