CJ099802

Der wie froeger in feint, dat wie in sekere Ruerd, dy farde by Aen fan Huzen (fan Eastemar) op it skip. Se leinen mei 't skip by 't Huzumer fabryk. Doe hearden wy dat der in bern fan Aen van Huzen net goed wie. It tsjirme. Ruerd de feint waerd biskôge as de tsjoenster. Sy tochten dat hy it bern siik makke hie. Der leinen doe mear skippen en 't wienen dêr allegearre skippersbern. Dy skippersjonges soenen mei Ruerd de stêd yn. Mar doe't se goed en wol yn 'e stêd wienen hie Ruerd samar ynienen fuort west en net ien hie him fuortgean sjoen. Dat doogde net fansels. Ruerd koe mear as in oar omdat er in tsjoenster wie.
Wylst Ruerd mei de jonges op stap wie siet der by Aen van Huzen yn 't foarûnder fan 't skip in kikkertsje yn 'e tsjettel fan 'e pipe. Mar even letter wie dat kikkertsje samar spoarloas. Dat kikkertsje dat hie Ruerd west. Dy hie him yn in kikkert foroare. Dat wie in biwezen feit dat Ruerd tsjoene koe.
Hy hie 't bern dus ek bitsjoend.
Doe gongen se nei Smoarge Jantsje ta. Dat wie in duvelbanster, dy wenne yn 'e stêd. Hja namen smoarge doeken fan 't bern mei.
Jantsje sei, hja moesten 't kessen iepenmeitsje. Dat dienen se en doe kommen dêr krânsen út to foarskyn. Mar wylst as se dat dienen kom Ruerd der by. Hy fleach suver ta 't foarûnder yn, sa'n haest hied er. Hy wie alhiel opljeppen en sei: "Hwat is hjir gebeurd?"
Jantsje sei: "'t Is ien mei skaed dy't it bern bitsjoend hat." En dat is ek útkom.
Letter, doe't Ruerd al dea wie, seagen se yn 'e Rottefalle by de slûs ien stean. Dat wie Ruerd. 't Wie dus ien mei skaed. It bern hat it net opret, it is stoarn.
Karst van der Veen fan Bûtenpost sei ris in kear tsjin Ruerd: "Hastû dat bern fan Aen fan Huzen ûnder 'e pantoffel?" Doe wie 't bern noch net dea.
"Hoe soe 'k dan dàt bern..." sei Ruerd. Hwat er dêr mei sizze woe, wyt men net.

TM 3109 - Heksenkrans in kussen    TM 3109 - Heksenkrans in kussen   

Een schipper, genaamd Ruerd, werd beschouwd als tovenaar. Het kind van Aen fan Huzen was ziek en behekst, dat was zeker het werk van Ruerd. Eens was Ruerd met andere schippersjongens de stad ingegaan en toen was hij plotseling verdwenen. Ondertussen had Aen op het schip een kikker in de ketel van de pijp gezien die ook zomaar opeens verdween. Met het zieke kind gingen ze naar Smoarge Jantsje, met al het vieze goed van het kind. Ze moesten het kussen opensnijden en toen bleken er kransen in te zitten. Ondertussen was Ruerd er aan gekomen die bijna het vooronder in vloog. Jantsje zei dat het kind betoverd was door iemand met een schaduw. Later bij de sluis, toen Ruerd al dood was, hadden ze hem daar zien staan, hij had dus een schaduw . Het kind is later gestorven. Nog voordat het kind dood was had iemand Ruerd eens gevraagd of hij het kind soms onder de pantoffel had. Die zei toen: hoe zou ik toch dat kind.... Maar niemand wist wat hij daarmee bedoelde.

Collectie Jaarsma, verslag 998, verhaal 2 (archief Meertens Instituut)

5 april 1973

Heksenkrans in kussen; TM 3101, Heks maakt kind (mens) ziek

Ruerd    Ruerd   

Aen fan Huzen    Aen fan Huzen   

Eastemar    Eastemar   

Smoarge Jantsje    Smoarge Jantsje   

Karst van der Veen    Karst van der Veen   

Huzum    Huzum   

Rottefalle    Rottefalle   

Butenpost    Butenpost   

2013-03-01 14:46:21