Hoofdtekst
Blauburd wie in ridder dy't wenne op in great kasteel.
Hja neamden him Blauburd omdat er sa'n dik blau burd hie. 't Wie in tige wrede keardel. Hy hie al forskeidene froulju hawn en dy waerden altiten samar wei.
Doe krige er op in kear wer in frou, dy hie in pear bruorren en ek in suster: Anna.
De brulloft waerd tige luisterrijk fierd yn 't prachtige kasteel. 't Like allegearre hiel moai.
It duorre net sa lang doe moest ridder Blauburd op reis. En doe joech er syn bosk kaeijen dy't op 'e doarren fan 't kasteel pasten oan syn frou. En hy sei: "Alle keamers meist yn komme, mar der is ien keamer, dêr past dizze kaei op. It is string forbean dêr yn to kommen."
De earste dagen gong it goed, mar doe waerd dy frou nijsgjirrich. Hwat soe der yn dy keamer sitte? tocht se.
Op 't lêst koe se de forlieding net langer wjerstean. Hja draeide de kaei om yn 't slot en dêr gong de doar iepen.
Mar doe waerd se ôfgryslike kjel. Fan skrik liet se de kaei falle. De hiele keamer siet ûnder 't bloed en dêr hongen alle hollen fan 'e froulju dêr't ridder Blauburd mei troud west hie. Hja wie hiel bot oerstjûr.
Har suster Anna útfanhûze by har. Dêr fortelt se alles oan.
Dan komt Blauburd wer thús. Hy sjocht dat der bloed oan de biwuste kaei sit en dan hat er fuort yn 'e rekken dat hja de doar fan 'e forbeane keamer iepen makke hat.
Hy sjocht ôfgryslike lulk.
Hy slút har op yn 'e toerkeamer en hy seit, hja mat binnen safolle tiid stjerre, hwant hja sil itselde lot ûndergean as de oare froulju dy't er hawn hat.
Troch bimiddeling fan har suster Anna stjûrt it minske ijlboaden nei har bruorren ta.
Anna stiet hyltyd op 'e útkyk.
"Anna, zuster Anna, komen mijn broers nog niet? freget se.
Dat seit se idere kear, hwant de tiid giet fierder. Hja is sa bang dat har bruorren to let komme sille.
Blauburd komt alris by de trap op en kloppet op 'e doar. Hy seit dat se har klearmeitsje mat hwant de ûre is kommen dat se deamakke wurdt.
Dan giet er wer by de trap del en wachtet op har.
"Anna, zuster Anna," seit se, "komen mijn broers nog niet?"
Mar Anna sjocht noch neat oankommen.
Op it lêst hat Blauburd gjin geduld mear. Hy giet wer by de trappen op en seit, hja mat opslach komme, oars sil er de doar iepentraepje. Hwant syn frou hat de doar fan binnen skoattele.
En dan seit se nochris wanhopich:
"Anna, zuster Anna, komen mijn broers nog niet?"
En dan antwurdet Anna: "Ik zie twee ruiters. Het zijn onze broers."
Wylst Blauburd de doar iepentrapet, fljogge de beide bruorren by de trappen op en hja gripe Blauburd en stekke him fuortdaliks mei har swurden dea.
Dan is har suster forlost.
Sa hurd as se kinne meitsje se dat se út dit kasteel wei komme, der't safolle froulju formoarde binne.
Hja neamden him Blauburd omdat er sa'n dik blau burd hie. 't Wie in tige wrede keardel. Hy hie al forskeidene froulju hawn en dy waerden altiten samar wei.
Doe krige er op in kear wer in frou, dy hie in pear bruorren en ek in suster: Anna.
De brulloft waerd tige luisterrijk fierd yn 't prachtige kasteel. 't Like allegearre hiel moai.
It duorre net sa lang doe moest ridder Blauburd op reis. En doe joech er syn bosk kaeijen dy't op 'e doarren fan 't kasteel pasten oan syn frou. En hy sei: "Alle keamers meist yn komme, mar der is ien keamer, dêr past dizze kaei op. It is string forbean dêr yn to kommen."
De earste dagen gong it goed, mar doe waerd dy frou nijsgjirrich. Hwat soe der yn dy keamer sitte? tocht se.
Op 't lêst koe se de forlieding net langer wjerstean. Hja draeide de kaei om yn 't slot en dêr gong de doar iepen.
Mar doe waerd se ôfgryslike kjel. Fan skrik liet se de kaei falle. De hiele keamer siet ûnder 't bloed en dêr hongen alle hollen fan 'e froulju dêr't ridder Blauburd mei troud west hie. Hja wie hiel bot oerstjûr.
Har suster Anna útfanhûze by har. Dêr fortelt se alles oan.
Dan komt Blauburd wer thús. Hy sjocht dat der bloed oan de biwuste kaei sit en dan hat er fuort yn 'e rekken dat hja de doar fan 'e forbeane keamer iepen makke hat.
Hy sjocht ôfgryslike lulk.
Hy slút har op yn 'e toerkeamer en hy seit, hja mat binnen safolle tiid stjerre, hwant hja sil itselde lot ûndergean as de oare froulju dy't er hawn hat.
Troch bimiddeling fan har suster Anna stjûrt it minske ijlboaden nei har bruorren ta.
Anna stiet hyltyd op 'e útkyk.
"Anna, zuster Anna, komen mijn broers nog niet? freget se.
Dat seit se idere kear, hwant de tiid giet fierder. Hja is sa bang dat har bruorren to let komme sille.
Blauburd komt alris by de trap op en kloppet op 'e doar. Hy seit dat se har klearmeitsje mat hwant de ûre is kommen dat se deamakke wurdt.
Dan giet er wer by de trap del en wachtet op har.
"Anna, zuster Anna," seit se, "komen mijn broers nog niet?"
Mar Anna sjocht noch neat oankommen.
Op it lêst hat Blauburd gjin geduld mear. Hy giet wer by de trappen op en seit, hja mat opslach komme, oars sil er de doar iepentraepje. Hwant syn frou hat de doar fan binnen skoattele.
En dan seit se nochris wanhopich:
"Anna, zuster Anna, komen mijn broers nog niet?"
En dan antwurdet Anna: "Ik zie twee ruiters. Het zijn onze broers."
Wylst Blauburd de doar iepentrapet, fljogge de beide bruorren by de trappen op en hja gripe Blauburd en stekke him fuortdaliks mei har swurden dea.
Dan is har suster forlost.
Sa hurd as se kinne meitsje se dat se út dit kasteel wei komme, der't safolle froulju formoarde binne.
Onderwerp
AT 0312 - The Giant-killer and his Dog (Bluebeard) 
AT 0312 - The Giant-killer and his Dog (Bluebeard) 
ATU 0312 - Maiden-killer (Bluebeard)
ATU 0312 - Maiden-killer (Bluebeard)
Beschrijving
In een kasteel woonde een wrede ridder, genaamd Blauwbaard. Hij was al verscheidene keren getrouwd geweest, maar iedere keer verdween zijn vrouw na een tijdje spoorloos. Hij trouwde opnieuw met een vrouw met een paar broers en een zuster, Anna. Toen Blauwbaard op reis moest, gaf hij zijn vrouw de sleutelbos en wees een sleutel aan die op een deur paste die ze als enige niet mocht openen. Ze werd toch nieuwsgierig en opende de deur. Wat ze daar zag was afschuwelijk: overal bloed en de hoofden van de verdwenen vrouwen. Ze vertelde alles aan haar zuster. Toen haar man thuiskwam merkte hij aan het bloed aan de sleutel dat ze zijn verbod had overtreden, en hij sloot haar op om haar later te doden.Via Anna stuurde de vrouw een ijlbode uit om haar broers te halen. Iedere dag vrouw ze haar zus of die hun broers al zag komen. Ondertussen was het uur der waarheid gekomen en Blauwbaard beval haar de deur te openen. Net op het moment dat hij de deur opentrapte, kwamen de twee broers, die Blauwbaard met hun zwaarden doodden. De vrouw vluchtte uit het kasteel.
Bron
Collectie Jaarsma, verslag 1047, verhaal 3 (archief Meertens Instituut)
Commentaar
3 juli 1973
The Giant-killer and his Dog (Bluebeard)
Naam Overig in Tekst
Blauwbaard
Blauwbaard
Anna
Anna
Datum Invoer
2013-03-01 14:46:21