ZEEUW394 - Leugenaars.

Leugenaars.

Op 't Gat weunden is een vint, die à kon liegen of à 't gedrukt stieng. Die kèrel ei wà' menschen bedonderd. Maar oppenduur gelôôfden gêên mensch 'm mêê!
Op 'n middag kwam die is van z'n werk en toen vertelden die tegen iederêên, die à tie tegenkwam, dat 'r in den 'oek van den diek een karre mee vigges 1) stieng.
De menschen giengen d'r aamaa' op af om der êên te kôôpen. Zelf stieng die van achter 't gerdiene te kieken en te lachen om at-ie ze zôô schôôn voo' de zat ieuw.
Maa' toen at-er altied maa' menschen voorbie giengen mee een bale onder udder èrm, begon die 't oppenduur zelf oek te g'lôôven. Ie zei bie z'n eigen: "Nae g'lôôf 'k at het waar is. 'k Gaan toch oek is kieken."
Toen gieng die oek van 'uus mee een bale. Maar ie liep natuurlijk net zôô goed voo' gek as al d'andere. Uitgelachen à ze 'm toen èn!

1. Biggen.

Op 't Gat woonde een man die de mensen altijd bedonderde. Op een dag vertelde hij dat er op de dijk een kar biggen stond. Vanachter de gordijnen zag hij steeds maar mensen met balen stro voorbijkomen. Uiteindelijk geloofde hij zijn eigen verzinsel en ging ook met een baal naar de dijk. Daar werd hij flink uitgelachen door de anderen.

J.R.W. en M. Sinninghe: Zeeuwsch sagenboek. Zutphen 1933, p. 349

voor 1933

't Gat    't Gat   

2013-03-01 14:46:20