Hoofdtekst
Exempel. Het was een heylich man, die wart ghevoert mitten gheest in die helle. Daer sach hi mennigherhande grote pine. Hi sach daer eens riken mans ziel inden gloede. Daer na quam varen sijns soens ziel. Doe die vader den zoen sach, doe begonde die vader te roepen: „Vervloect ende vermaledijt so is die ure dat ic di wan, ende vervloect so moetti sijn ummermeer dat ic dat goet ye ghewan tonrecht, daer ic om verdoemt bin". Doe sprac die soen weder totten vader: ,,Vervloect soe si die stede ende die ure dat ghi mi ye ghewonnet. Vervloect ende vermaledijt so moet ghi sijn ummermeer, dat ghi dat goet ye ghewonnet, daer ic om verdoemt bin". Mit zulken vloeken voeren si beyde in die helle, ende soncken neder in dat afgront. Daer en comen si nummermeer wt. Ende wat vromet hem nu hoer wijsheit, hoer goet ende al hoer valsche lust!
Beschrijving
Een heilig man is via zijn geest in de hel, waar hij veel ellende ziet. Zo ziet hij de zielen van een rijke man en diens zoon ruzie maken. De twee beschuldigen elkaar van hun verdoemenis en vervloeken elkaar. Ze dalen neer in de afgrond van de hel, om er nooit meer uit te komen. Hun rijkdom, wijsheid en valse lust heeft nu geen enkel nut meer.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 19
Datum Invoer
2013-03-01 14:46:20