Hoofdtekst
Exempel. Het was een goet man ende een vrouwe, die hadden een langhe wijl die een mitten anderen wel ghelevet. Ende die viant leyde hem mennighe stricke te becoren, mer het en halp hem niet, want si biechten ende beedden ende gaven haer aelmissen ende diende gode vlitelic. Ten lesten becoerdense die viant mit onbescheydenre bedroefnisse, ende en wisten niet wat dat hem was. Doe verghinc hem beyden haer weldoen ende en hadden oec gheen ghenade inder kerken noch tot gods dienste.
Ten lesten soe vraechde die een den anderen, wat hem waer. Doe sprac die een: ,,Ic bin bedroeft ende ic en weet niet wat mi is, ende ic waer gheern doot". Doe sprac die ander: „Dat is mi oec. Ic woude dat ic altehant doot waer". Doe was die viant daer ende stoecte vast toe. Doe sprac die man: „Twaren lief wijf, het is mi also inden sin comen dat ic mi selven doden wil". Dat selve sprac oec die vrouwe, ende elc makede hem selven een stric. Doe sprac die vrouwe ende zeide: „Lieve vrient, wi hebben langhe wel te gader gheweest. Wi willen eens drincken te gader, eer wi ons scheyden". Doe ghinc si ende haelde een scael mit wine, ende botet hoeren man. Doe hief hi sijn hant op ende sloech een teyken des cruces over den wijn. Doe die viant dat sach, doe vloech hi van daer, ende si quamen weder tot hem selven ende riepen onzen lieven here god aen. Ende alle die becoringhe verghinc hem.
Ten lesten soe vraechde die een den anderen, wat hem waer. Doe sprac die een: ,,Ic bin bedroeft ende ic en weet niet wat mi is, ende ic waer gheern doot". Doe sprac die ander: „Dat is mi oec. Ic woude dat ic altehant doot waer". Doe was die viant daer ende stoecte vast toe. Doe sprac die man: „Twaren lief wijf, het is mi also inden sin comen dat ic mi selven doden wil". Dat selve sprac oec die vrouwe, ende elc makede hem selven een stric. Doe sprac die vrouwe ende zeide: „Lieve vrient, wi hebben langhe wel te gader gheweest. Wi willen eens drincken te gader, eer wi ons scheyden". Doe ghinc si ende haelde een scael mit wine, ende botet hoeren man. Doe hief hi sijn hant op ende sloech een teyken des cruces over den wijn. Doe die viant dat sach, doe vloech hi van daer, ende si quamen weder tot hem selven ende riepen onzen lieven here god aen. Ende alle die becoringhe verghinc hem.
Beschrijving
Een man en vrouw leven al geruime tijd samen, zijn trouw aan God en leiden een goed leven. Tot dusver hebben zij alle verleidingen van de duivel kunnen weerstaan. Op een dag roept de duivel echter toch zinnelijke begeerten bij hen op, waarna er een eind komt aan hun goede leven. Zelfs van de kerk krijgen zij geen genade meer. Uit pure wanhoop wil het stel zelfmoord plegen. Ze willen nog een keer samen wat drinken en de man slaat het teken van het kruis over de wijn. Als de duivel dit ziet vlucht hij. Het stel komt weer tot zichzelf, roept God aan en raakt zo verlost van alle verlokkingen.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 18-19
Datum Invoer
2013-03-01 14:46:20