Gelre018

In den tyden als men screef VIIIc ende LXXXVIII ende Karel die Calve Keyser van Romen was ende die greve sijn neve na hem keyser was, in dese selven tyden doe was int crisdom van Coelen een groet velt off pleyn ende was een broicklant, daer nu Gelre staet, ende was gelegen by der heerschappie van Pont. Ende in dyt velt ende broicklant soe was een al te verveerlick, fellen ende venijnden dyere, dat voell quatz dede, wanttet versleuwe menschen ende beesten daert by komen konden. Ende dit ffel dyer riep duck ende menichwerff myt groten bevende gerucht, daer dat inne broick lach: Ghelre, Ghelre, Ghelre. Ende het hadde grote bernende oogen, die men snachz, alst duyster was, bescheydeliken sien mocht. Ende die luyden, die daer omtrint woenden, die ruymden som van daer ende wilden oyck gemeynlick van daer ruymen, en moege sy van desen dyer nyet en verlost worden. Ende die heer van Pont, die daerby geseten was, die leet voel schaede van desen dyer en dese heer van Pont hadde twee zoenen, dat al te herlycke stoute mannen waeren; die een hiet Wychardus ende d'ander hiet Lupoldus. Ende by raede van hoeren vader begrepen sy, dat sy id dyer bestryden wouden, ende gyngen stoutelick in der nacht ende hadden hem wael daartoe gemact ende quamen daer sy meynden, dat dit dyer was, ende sagent by der luchtinge van synen oegen. Ende sy gingen hem aen in den naem Gaetz ende verwonnen ende versloegen dyt dyer, ende als sy dyt verslagen hadden, so was alle dat volck, dat daeromtrent woende, gaven hem onder dese twe brueders ende coeren dese twe brueders tot hoir twe princen ende vaechden ende overste van hoeren lande te wesen. Ende dese twe brueders mitten heer van Pont, hoeren vader, die begrepen ende maecten op die stede, daer sy dat dyer versloegen, een begrypen ende veste ende noemden dat Ghelre, als dat vurs. dyer placht te roepen, ende dyt is dus die stat van Ghelre, ende van welker stat off veste eirste dat heel lant van Ghelre synen naem affgenoemen hefft.

TM 3113 - De draak van Gelre    TM 3113 - De draak van Gelre   

Na het verslaan van een draak die roepend Gelre Gelre mensen en dieren belaagde, worden Wichard en Lupold door de bewoners van het gebied tot prins gekozen. Op de plaats van het gevecht met de draak stichtten zij een burcht die Gelre werd genoemd, waar de stad Geldern uit voortkwam, en naamgever is voor het hele gebied Gelre.

E.W. Oostebrink, De voogden van Gelre. De afstamming van de graven van Gelre en Zutphen en Nassau. In: Bijdragen en Mededelingen Gelre, 92 (2001), p. 33-57.

Hs. eind 15e eeuw, aanw. Archives Nationales, Parijs. Kroniek is één van de ongeveer 15 verschillende versies over de sage van de draak en het ontstaan van Gelre. Artikel gaat in op het waarheidsgehalte en het ontstaan van de sage. Met literatuur over de drakensage.

De draak van Gelre

Karel die Calve    Karel die Calve   

Karel de Kale    Karel de Kale   

Coelen    Coelen   

Gelre    Gelre   

Wychardus    Wychardus   

Wichard    Wichard   

Lupoldus    Lupoldus   

Lupold    Lupold   

Ghelre    Ghelre   

God    God   

Gaetz    Gaetz   

Romen    Romen   

Rome    Rome   

Keulen    Keulen   

Pont    Pont   

Gelderland    Gelderland   

Gelder    Gelder   

Geldern    Geldern   

2013-03-01 14:46:20