Hoofdtekst
Exempel. Alsoe men leest van enen cluseneere, die scheen zeer heilich weesen voer die lieden, ende hi deet om ghesien te sine vanden lieden, ende die lieden hielden hem alle voer eenen heileghen man. Alst quam dat hi sterven soude, doen quamen die lieden vanden dorpe daer met keersen ende met toersen om hem te doene ter eerden, ende sijn begravinghe eerlike te doene, om dat hi een heilich man scheen wesen, want si hadden hem alle in werdicheiden. Ende doen was daer een ander heilich man, den welcken god sijn oghen ontdede. Ende hi sach dat een viant bi hum stont ende hadde enen grooten yseren crauwel in sijn hant, daer hi mede quelde die ziele van desen cluseneere. Ende hi hoerde dat god selve sprac tot den viant: Ghelijc als mi dese ziele niet en heeft laten rusen in haer, soe en laet haer oec nemmermeer rusten inder hellen. Doen trac die viant die ziele uten lichame met grooter wreethede ende voerdese inder hellen, daer si gheen rusten en heeft.
Beschrijving
Een kluizenaar hield zich voor als heilige en de mensen geloofden dat ook. Toen hij op sterven lag kwamen de mensen met kaarsen om hem te eren. Toen kwam daar ook een andere heilige man en die zag een duivel bij hem staan. Omdat de arme ziel God niet had laten rusten, mocht zijn ziel ook niet in de hel rusten. De duivel trok daarna de ziel uit het lichaam en bracht deze naar de hel, zodat hij geen rust zou krijgen.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 29-30
Naam Overig in Tekst
God 
God 
Datum Invoer
2013-03-01 14:46:20