Hoofdtekst
Exempel. Men leest een exempel van eenen priester, die plach altoes zielmessen te doene ende zeere luttel eenighe ander messen. Dese priester waert hier af bedraghen voer den bisscop vander stede. Dese bisscop ontboet desen priester voer hem, ende begrepene hier omme, ende seide tot hem dat hi messe doen soude ghelijc den anderen. Ende hi verboet hem dat hi niet meer soe vele messen soude lesen voer die zielen. Doen seide die goede priester, hi sout doen, mar wilde hi hem consenteeren, hi hadde gherne ghedaen alsoe hi te voren plach te doene. Doen seide die bisscop: „Du sels te deser tijt weer tot mi comen, mar wie sal dijn borghe bliven ?" Doen seide die priester: „Heere, ic en hebbe gheenen borghe ende ic en wiste wien voer mi setten tot enen borghe". Doen sloech die bisscop sijn oghen op ten hemel wert, ende hi sach dat alle die locht was vol handen, ende dat waren die zielen die hi verlost hadde met sijnre messen. Ende alle die zielen toenden dat si alle sijn borghen wilden sijn. Doen seide die bisscop: „Du hebs borghen ghenoech. Gaet ende doet alsoe du tot nu ghedaen hebs. Ende ic wille exempel aen di nemen, ende ic wille meer messen voer die zielen lesen dan ic ghedaen hebbe".
Beschrijving
Een priester wil alleen begrafenisdiensten lezen en af een toe andere diensten. De bisschop eiste dat de priester ook andere diensten moest lezen, net als alle anderen. De bisschop keek naar de lucht en zag dat daar allemaal handen zweefden. Dat waren de zielen die verlost waren door de diensten van deze priester. Zij beschermen de priester. Daarop zei de bisschop dat hij ook meer diensten voor de doden wilden gaan lezen.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 36-37
Datum Invoer
2013-03-01 14:46:20