Hoofdtekst
Een exempel. In libro apum staet ghescreven dat in duutsche lant was een iongelinc edel van gheboerten, mer onnedel van leven, die seer vol was van boesheden ende onsuverheden, ende was een bisscop. Ende god castieden dicke mit menigherhande plaghen. Mer want hi daer niet of ghebetert en wert, so sloech hem god mit enen onversienliken doot, in welken uren een ander heilich eerbaer bisscop sach hoe dat dese bisscop, die dus onversienlic sterf, ghebrocht wort ten oerdel mit verbonden ende bedecten aensicht, gheciert mit eens bisscops ghewade. Te hans waren daer teghewoerdich sarianten mit wreden aensichten, die den bisscop beschuldichden: die een van onrechten goede, die ander van manslachte, die derde van onsuverheit. Doe sprac die rechter tot sinen bisitters: ,Onderstaet die saken ende wijst dat vonnis sonder merren". Doe dat vonnis ghewijst was die de rechter volchde, quamen die sarianten die swarter waren dan een roec, ende namen hem of den miter vanden hoefde, den vingherlinghe, den kasuffel ende dat ander ghewade, ende leidense voer des rechters voeten, ende toghen al bloot ter hellen waert, daer hi grote misbaer ende screien dreef. Aldus set een yghelijc gheschien na sinen staet.
Beschrijving
Een bisschop is edel van geboorte, maar onnedel van leven. Hoewel God hem met vele plagen straft, betert hij zijn leven niet. Tot slot laat de Heer hem sterven en de bisschop laat zich met het hoofd bedekt en in bisschopsmantel naar het oordeel Gods leiden. De 'sarianten' kleden ontnemen hem echter zijn bisschopsspullen. Uiteindelijk wordt hij naakt naar de hel gevoerd.
Bron
De Vooys, C.G.N., Middelnederlandse stichtelijke exempelen, Zwolle, 1953 pagina 97
Naam Overig in Tekst
God 
God 
Librum Apum
Librum Apum
Duutsch
Duutsch
Datum Invoer
2013-03-01 14:46:20