Hoofdtekst
Een exempel. Sinte gregorius scrijft een exempel van eender jongher maecht, dat een goet kint was, ende so diende gheerne der maghet mariën. So hadde maria zeere lief. Maer alsmen danste so plaech sy oec twe of driewaerf mede omme te gane. So was up eenen tijt in haer camerkin in bedinghen voer onser vrauwen beelde. Ende so sach dat die maghet maria in haren camer cam met vele heleghe maechden ende vele ynghelen. ende sy dansten alle te minlic ende alte ghenouchelic. Dit maechdekin hadde alte gheerne mede ghedanst. Die waerdeghe maghet maria en wildes niet ghedoghen, ende seide: ,Ghi plecht te dansene, also en moecht ghi met ons niet dansen. want die hier in de werelt dansen. Maer wilt ghi, seide so, met ons dansen, so en moeghet ghi in der werelt niet dansen". Doe seide su tot onser vrauwen, so en soude hier niet meer dansen, mocht so met haer dansen. Doe seide onser liever vrauwe: ,,Noch niet. Maer ghi sult cortelike met mi dansen. Ghy sult hu bereeden ende den XXXsten dach sal ic hu halen". Ende onser liever vrauwe claechde deser maghet int langhen wat toerne dat ghedaen wert haren lieve kinde ende haer in dese weerlt met dansene. Ouse lieve vrauwe trac wech, ende dese maghet verkeerde zeere binnen XX daghen. Ende als so tot XX daghen commen was, wart su ziec ende lanc so sieckere tot den XXXsten daghen toe. Ende up den dertichsten dach so cam onser liever vrauwe om dese maghet met vele soets gbeselscaps. Ende onser liever vrauwe riepse, ende su seide: ,,Ic comme !" ende was zeere blide. ,,Siet, seide [su], ic gae met maria dansen". Ende su gaf haren gheest. Elc wachte hem van dansene, die hier boven met onsen lieve heere ende met maria dansen willen ende met alle die werde ynghelen ende heleghen.
Beschrijving
Sint Gregorius schrijft een exempel van een meisje dat Maria zeer liefhad, maar ook van dansen hield. Op een dag verschijnen Maria en haar heilige maagden in haar kamer, die genoeglijk beginnen te dansen. Het meisje wilde meedansen, maar Maria zei haar: 'wie met ons wil dansen, mag niet op aarde dansen'. Het meisje krijgt dertig dagen, waarin ze zich onthoudt van dansen en ook nog ziek wordt. Op de dertigste dag komt Maria haar halen. Het meisje geeft de geest, waar zij nu als beloning met Maria, de Heer, de engelen en de heiligen, mag dansen.
Bron
De Vooys, C.G.N., Middelnederlandse stichtelijke exempelen, Zwolle, 1953 pagina 110
Naam Overig in Tekst
Maria 
Maria 
Gregorius
Gregorius
Heer
Heer
Datum Invoer
2013-03-01 14:46:20