Hoofdtekst
Moordhaim
Veur joaren is 't gebeurd, dat op 'n Zundagmörgen de boer mit zien volk noa kerk tou was. Gain ain as de maaid was in hoes.
Dou kwammen der zeuven rovers aan, mor de maaid dee grondel op deur. Dou broken ze 'n stok tou muur oet bie 't geutgat.
Ondertied gaait de maaid in de schuur en hoalt de heuschovvel, zo schaarp as 'n vliem. Net as ze weer bie 't geutgat is, stekt de eerste rover zien kòp ter al deur. Maaid stekt hom rits de kòp òf, en trekt hom noa binnen. Dat was ain. Hai haar gain geluud meer geven.
Dou kwam de twijde, wol der ook mit in. Hai kreeg zien zin, mor kòp mos ter eerst òf. Zo achter nkander op rieg weg.
Mor de zeuvende vernemt bloud; hai weerom. Nòg net op tied òf anliek nait op tied; maaid hakt hom 'n hail dun plakje van kòp òf. Dou was e kìnboar, en haren ze hom gaauw genog te pakken; hai mos ter gelieke goud aan geleuven.
Zo wazzen der zeuven schelms minder op de wereld. En zo is 't komen, dat de ploats nooit aans gain noam meer haar as Moordhaim. Bie Zuudwòl is 't gebeurd; as ie noa de Wòldiek lopen, din loop ie der liek op aan. Ie kinnen allain nait begriepen, dat ter zeuven kerels op ain zoo'n luk hoeske aan kwammen.
(Zie Mw. Huizenga, in 'Groningen' X, 219.)
Veur joaren is 't gebeurd, dat op 'n Zundagmörgen de boer mit zien volk noa kerk tou was. Gain ain as de maaid was in hoes.
Dou kwammen der zeuven rovers aan, mor de maaid dee grondel op deur. Dou broken ze 'n stok tou muur oet bie 't geutgat.
Ondertied gaait de maaid in de schuur en hoalt de heuschovvel, zo schaarp as 'n vliem. Net as ze weer bie 't geutgat is, stekt de eerste rover zien kòp ter al deur. Maaid stekt hom rits de kòp òf, en trekt hom noa binnen. Dat was ain. Hai haar gain geluud meer geven.
Dou kwam de twijde, wol der ook mit in. Hai kreeg zien zin, mor kòp mos ter eerst òf. Zo achter nkander op rieg weg.
Mor de zeuvende vernemt bloud; hai weerom. Nòg net op tied òf anliek nait op tied; maaid hakt hom 'n hail dun plakje van kòp òf. Dou was e kìnboar, en haren ze hom gaauw genog te pakken; hai mos ter gelieke goud aan geleuven.
Zo wazzen der zeuven schelms minder op de wereld. En zo is 't komen, dat de ploats nooit aans gain noam meer haar as Moordhaim. Bie Zuudwòl is 't gebeurd; as ie noa de Wòldiek lopen, din loop ie der liek op aan. Ie kinnen allain nait begriepen, dat ter zeuven kerels op ain zoo'n luk hoeske aan kwammen.
(Zie Mw. Huizenga, in 'Groningen' X, 219.)
Onderwerp
AT 0956B - The Clever Maiden Alone at Home Kills the Robbers
AT 0956B - The Clever Maiden Alone at Home Kills the Robbers 
ATU 0956B - The Clever Maiden Alone at Home Kills the Robbers.
ATU 0956B - The Clever Maiden Alone at Home Kills the Robbers.
Beschrijving
Een meid past op een boerderij. Zeven rovers proberen in te breken via een gat in de muur. Één voor één hakt de meid hun hoofd eraf, wanneer ze door het gat kijken. De laatste rover trekt zijn hoofd eerder terug, waardoor alleen een klein laagje eraf gehakt wordt. Dit is genoeg hem later te herkennen en op te pakken.
Bron
Laan, K. ter. Groninger overleveringen. Zutphen, 1930. p. 160
Commentaar
1930
The Clever Maiden Alone at Home Kills the Robbers
Naam Overig in Tekst
Moordhaim
Moordhaim
Zuidwòl
Zuidwòl
Wòldhiek
Wòldhiek
Huizenga
Huizenga
Naam Locatie in Tekst
Groningen.
Groningen.
Datum Invoer
2013-03-01 14:46:20