LAAN061 - Oagt van Ainrom

Oagt van Ainrom

Oagt was gezond, mor aarm; 't was zo gezegd 'n noakende maaid. Dij binnen der tegensworeg wel meer, mor in dij òlle tieden was dat aans. In aals gevaal in Ainrom was zai de ainegste.
Dat zol nait zo blieven, was veuls te sneu. Nou lag ter bie Ainrom 'n groot stok laand, dat nòg gain noam haar, en dat ook aan gain mìnsk toukwam. leder haar vrouger ja tòch al genog. 't Was nait van 't allerbeste; 't lag mor wat leeg ook. Mor as Oagt dat haar, din haar ze tòch nòg genog, want 't was 'n haile lap.
Ale Ainrommers wollen heur dat tou. Mor ze mos ter wat veur doun. Stoer was 't nait: ze mos allain mor even deur de kerk lopen.
As 't aans nait is....
Ja, mor de kerk mos vol vòlk wezen.
Nou, wat zol dat? As 't aans nait is....
Ja, mor zai mos zok eerst spierlieke noakend oetbòien.
Harre Jazzes!
Nou, dat mout elk din zulf waiten, mor Oagt zee: ik dou 't! Zai haar laank genog aarm west.
Ze dee 't ook, in 'n runtje, 't was in 'n ogenblik òflopen. Zai sluig zok op bòrst, en ze sluig zok op 't gat, en dou zee ze: Van veuren Oagt, van achtern Oagt, en 't haile Aindrommer Oagt is van Oagt.
Ie kinnen 't hoast nait leuven? 't Bewies is ter; dat stok laand hait ja nòg aal doagen 't Oagt. Zo zel 't blieven, tot aiwege memorie.


Nou zol ie zeggen, is ze wel gaauw traauwd wòrden. 't Is aans oetkomen. Zai mog 't manluvolk nait lieden, òf de jongkerels moggen heur nait lieden, dat zel de woare reden wel west hebben.
't Bewies is ter weer. In de kerk van Ainrom, doar ze vrouger luip, doar ligt ze nou. Op heur stain, doar staait 't dudelk op te lezen:

Hier ligt begraven Aagt,
In leven was zij maagd;
Het heeft haar nooit berouwd,
Dat zij niet was getrouwd,
Maar wel heeft haar mishaagd,
Dat zij nooit werd gevraagd.

Dij stain ligt onder de vlouer; köster wol hom aans wel geern zain loaten.

TM 2601 - Hoe het dorp (de stad, heuvel, straat, een plek of het stuk land) aan z'n naam is gekomen    TM 2601 - Hoe het dorp (de stad, heuvel, straat, een plek of het stuk land) aan z'n naam is gekomen   

Aagt, een arme vrouw krijgt van het volk een lapje grond dat toch van niemand is. Om dat te krijgen, moet zij naakt door de kerk rennen voor een groepje mensen. Dit doet zij en zij krijgt dat lapje grond. Zij is nooit getrouwd geweest.

Laan, K. ter. Groninger overleveringen. Zutphen, 1930. p. 166-167.

1930

Hoe het dorp (de stad, heuvel of het stuk land) aan z'n naam is gekomen

Oagt    Oagt   

Aagt    Aagt   

Ainrom    Ainrom   

Aindrummer    Aindrummer   

Aagt van Eenrum    Aagt van Eenrum   

Oagt van Ainrom    Oagt van Ainrom   

Eenrum    Eenrum   

2013-03-01 14:46:20