WEV010301

Mien olle lu woonden vrouger op de Schutn. Wat ik joe verteln kan, heb ik maist heurd van mien pabbe.

Noastan ons bie de buurn was n kind zaik. t Lag al n haile zet moar stil hen, zunder dat er verandering kwam: t wur nait beter en nait minder. Mien moeke gung dr voak hen te kiekn. In t lest dochde ze: "Dat smerige wief uut de buurt, dei olle hekse mout er vast meer van waitn; zai mout dr moar es heer en noar t kind kiekn."
Mien moeke gait noar t mens toe en zeg teegn heur, dat ze noar dat kin hen goan zel; t lag nou al zo laank tussen leven en dood.
t Oal wief zee: "Of dochst doe misschain, dat ik dr schuld aan heb?"
"Joa", zee mien moeke, "doe waaist dr meer van en ik verwacht die doar."
Nou, de andere dag gung t ol den op pad en kwam bie t zaike kind.
Zai luip noate berre tou, streek n poar moal mit de hand eindje boovn t kind langs en toun.......was t mit zaike schepseltje ofloopm.
"Zai je nou wel", zee mien moeke, "t kind kon nait staarven deur joen schuld, lillek ol wief."
Moar t mens wur toun ook kwoad en zee: "Nou is joen beurt t; ik zel joe stiekeln, dat t jou heugn zel."
Mien moeke lachde doar wat om, moar ik zel joe verteln, wat dr noa drei dag gebeurd is.
Wie kreegn n zwien zaik en t ding gung dood.
Eevn loater kon mien pabbe weer n zwien noar de misbulde krooien.
Ale zwienen gungen dood.
Toun wurn de koien zaik en ook de ain noa de ander mus t loodje legn.
Zai hebben t nog perbaierd mit t duvelsdrek en dat veur de deurn legd, moar dat huilp ook al nait.
Mien oln zeden: "Dat duvelse wief, de haile boerderij gait dr aan."
In t leste hadn ze nog ain peerd. Door binnen ze mit noar de Weddermarkt goan, woor t verkoft is.
De boudel is toun verkoft en mien oln binnen toun hier noar de Tange goan en opneis begunt.
Zo binnen wie altied hier ook bleevn.
Kennen ie toch zain dat dr heksachtige wieven touholden.

TM 3101 - Heks maakt kind (mens, dier) ziek    TM 3101 - Heks maakt kind (mens, dier) ziek   

SINSAG 0580 - Andere Hexenkünste    SINSAG 0580 - Andere Hexenkünste   

Vrouw die ervan wordt beschuldigd dat een kind ziek blijft, strijkt over het kind, waarna het sterft. Na de beschuldiging dat zij de reden is waarom het kind niet kon sterven, neemt ze wraak door vee ziek te maken.

Collectie Wever, verslag 103, verhaal 1 (Archief Meertens Instituut)

Weddermarkt    Weddermarkt   

Tange    Tange   

Jipsingboertange    Jipsingboertange   

Schutn    Schutn   

Oude Schutting    Oude Schutting   

Oude Schutting    Oude Schutting   

G014b    G014b   

G039p    G039p   

2013-03-01 14:46:21