Hoofdtekst
Bie n ander gezin was t al nich veul beter.
Door zee t oal mens: "Loat gain vrumde bie joen waige, woor n kind in lig. Ie kennen nooit waitn; stumper kan behekst worn."
Zai har ook es n moal mit de kinderwoagn over de weg loopn en dou was heur wat overkomen. Inains har dr n zwaarde hond noast de woagen loopn. Dat was de duvel west. Kinderwoagn vuil opains biezied en dou was de hond verdweenn west.
Mit t kaarn har ze nog gekkere dingen beleefd.
t Was heur n poar moal overkomen.
Zai har t kaarn doan had. En dou was ze in hoes goan um eevn te rustn en koffie-drinkn. Door heurde ze de kaarndeksel rappeln.
Zai noar t kaarnkoes, pakt de deksel op en dan zug ze, dat ale botter dr oet is. Dit gebeurde wol n poar keer.
Zai pruit dr mit over heur zeun en dei zee: "Moeke, ie legt mörn de heuvörke mit de tanden veuroet in t geutgat en dan goat ie noar de buurvrouw en vroagn dai um n lood koffie." Zo gezegd, zo gedoan.
t Olske kaarnde weer. Dou in hoes en man lustern. Joa heur, deksel blif non lign; de botter zit in de kaarn. En dan gèèt t oal noar de buurvrouw.
Dai zit nich in de stoule, zoas anders, man lig op berre mit n douk um de kop.
"Och buurvrouw", zeg ze, "ik wol zo geern n lood koffie lainen, want ik heb niks meer inhoes." Dai kreeg ze.
Man non wus ze zeker, dat buurvrouw bie de kaarn zeetn har.
Dai is dr noa tied nich meer west.
Onderwerp
SINSAG 0333 - Spuktier erschreckt Wanderer (und begleitet ihn). 
SINSAG 0333 - Spuktier erschreckt Wanderer (und begleitet ihn). 
SINSAG 0945 - Andere Begegnungen mit dem Teufel.
SINSAG 0945 - Andere Begegnungen mit dem Teufel.
TM 3101 - Heks maakt kind (mens, dier) ziek
TM 3101 - Heks maakt kind (mens, dier) ziek
SINSAG 0533 - Butterhexe
SINSAG 0533 - Butterhexe
SINSAG 0640 - Hexentier verwundet: Frau zeigt am folgenden Tag Malzeichen.
SINSAG 0640 - Hexentier verwundet: Frau zeigt am folgenden Tag Malzeichen.
Beschrijving
Bron
Plaats van Handelen
Rijsdam
Rijsdam