WEV011401

Spookn en heksn, dat was non t underwaarp van ale doagn in mien jonge joarn. Ik bin wol al zo baange west, as ik as kind zat te lustern noar mien olle lu en de buurn.
Doorum bin k dr non wat flauw van, man k wil joe wol t ain en ander verteln. Man schrief dr niks van op; ik wil nich in de kraande.

In de Riesdam woonde dan n man dai mit de helm geboorn was en zodounde In de Riesdam woonde dan n man, dai mit de helm geboorn was en zodounde t veurgezicht har. Hai kreeg wol ais gliek, dan kwammen zien veurspelsels oet: t nei-knoal hef hai zain, hai zag dat ze dr mit aan t groavn warn; luipn ook widde peerden veur de woagns. Scheepn zag e ook voarn. Hoezn, dai loater bouwd binnen, hef e stoan zain en goa zo man deur. Door was gain flauwekul bie.
Man hai vertelde ook van widde wieven.
Zo mout hai dan n keer van de Riesdam noar Selng loopn weezn en dou kwam dr wat noast hum loopm. Twai widde wievn. t Zwait was hum oetbrookn. Zai deden hum wol niks, man t was zo angstig.
In t lest was hum wat in de zin schootn. Hai zai n regel van n psalmversie op. Dit was t: "De Heer is bij mij, k zal niet vrezen". En kiek, dou wazzen de widde gedoantn inains verdweenn.

Hai luip ook es n moal bie oavend over v zandloane mit de stok in de hand. Was nog aine bie hum. "Wacht eevn", zee hai, "blief stoan, door steet wat." Hai pakde de stok en huif dr mit op n liekkiste, dai midden op t pad stun.
"Non komp hier gauw n liekwoagn langs", har e zegd.

Hai was dou nog rechtzinnig. Joarn loater binnen hai en de vrouw bie n Amerikoanse sekte goan; zai binnen zulf ook noar Amerikoa verhoesd. Man goud, dou kreegn ze twai van dai zendelingn in hoes te sloapn en te eetn. Ze woonden in n luddik hoesken en harn man ain bedstee. Non deden ze tzo: eerst gung de kerel n zet bie de vrouw op berre; as e n ruk sloapn har, gung hai in t stoule zitn en dan muzzen de zendelingn um de beurt bie t oal mens op t nust.

tDuurde nich laank, dou kreeg t wief ook al t veurgezicht. Ze zee: "Ik krieg nog n keer n kind, man t is nich van mien man; ik wait ook nich, woor t v ot komp; het komp man zo."
En t is nog oetkomen ook.

TM 2901 - Helmdragers    TM 2901 - Helmdragers   

SINSAG 0493 - Vorzeichen eines Kanals    SINSAG 0493 - Vorzeichen eines Kanals   

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

SINSAG 0481 - Leichenzug gesehen    SINSAG 0481 - Leichenzug gesehen   

SINSAG 0483 - Der Sarg gesehen    SINSAG 0483 - Der Sarg gesehen   

SINSAG 0331 - Spuktier kann nicht getroffen (gefangen) werden    SINSAG 0331 - Spuktier kann nicht getroffen (gefangen) werden   

Man die met de helm geboren is voorspelt graven kanaal, varen van schepen, bouwen van huizen, ziet witte gedaanten die verdwijnen na opzeggen psalmversje, ziet lijkkist op de weg staan en voorspelt lijkstatie. Voorspelling van zijn vrouw dat ze zwanger is van een kind dat niet van haar man is.

Collectie Wever, verslag 114, verhaal 1 (Archief Meertens Instituut)

Heer    Heer   

Amerikoanse    Amerikoanse   

Amerikaanse    Amerikaanse   

Amerikoa    Amerikoa   

Amerika    Amerika   

Riesdam    Riesdam   

Rijsdam    Rijsdam   

Selng    Selng   

Sellingen    Sellingen   

Rijsdam    Rijsdam   

G015p    G015p   

2013-03-01 14:46:21