WEV007201

Kiek s hier, zulf geleuve ik niet aan heksen en spoken.
Ik heb er wel ene gekend in Bunen, die dr voak over proote en die dr ook aan geleufde.
Hij vertelde dan:
“Mensen er kump oorlog. Ik hebbe in de lucht een riege zeisen gezien. Dat betekent de dood; ook heb ik peerden gezien in de lucht met mensn dr op. Dat betiekent seldoatn.”

Veur de oorlog hebben wie hum dat zeggen heurd en hij het dus gliek kreegn.

Vos, zo heette de man, zag sums geesten van mensn, die overleden waren. Zo vertelde hij:
“Lesten heb ik H. weer gezien. Ik zag hum over t woater noar mie toe komen. Pas in zo'n geval op, da-je hum gien hand geeft, want dan verbrandt de hand.
Ik heb hum mien buusdoek toestookn en kiek, de doek verbrandde ook.”

Vos zag nog meer veurloop.
Lang veur dat de spoorliene hier langs luup, had V. hum al lign zien. En de trein net zo; dudelk zag e de lichies van de trein over de reels goan.

Branden kon e ook veuruut zien.
Op n oavend was e thuus komen en toen hadd-e van verre brand gezien. Bij huus gung e zien oln en zien bruurs wakker moakn. Die kwamen eveneens kiekn en zagen de brand net zo goed as hij zulf.
Toen dr moar op of. Moar hoe dichter ze bie de brand kwamen, hoe kleiner wuur de vlam. En toen ze eindelk bie het huus waren, was dr hielemoal gien brand west.

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

SINSAG 0492 - Vorzeichen des Zuges    SINSAG 0492 - Vorzeichen des Zuges   

SINSAG 0491 - Vorzeichen eines Brandes    SINSAG 0491 - Vorzeichen eines Brandes   

SINSAG 0450 - Andere Tote spuken.    SINSAG 0450 - Andere Tote spuken.   

Zien van voorloop van oorlog, aanleg spoorlijn en branden; zien van geesten van overledenen.

Collectie Wever, verslag 72 verhaal 1 (Archief Meertens Instituut)

Vos    Vos   

H.    H.   

V.    V.   

Buinen    Buinen   

Bunen    Bunen   

Buinen    Buinen   

G012z    G012z   

2013-03-01 14:46:21