Hoofdtekst
Was es n keer n zekere Vos achter de Holte, dai veuroet zain kön; spuik kiekn nuimen ze dat.
Wur voak over hum verteld, man ain ding muik ik zulm mit.
Ik stön n moal op de dele; ik keek noar de peern en dou kwam d oale dr aan.
"Kiek", zee hai, "ie hebt doar vaier peern bie de krubbe stoan en dat heb ik vieftig joar leden al zain."
Mien boerderij stön dr dou nog nich en toch zag dai olle Vos dat er vaier peern bie de bak stönnen te hoaver vreetn.
Zo zag dai olle ook begravvenisn.
Doar kwammen wol es wonderlieke dingen bie veur, dai hai nich verkloarn kön, man dai loater toch oetkwammen.
Zo zag hai n liekstoatie deur t dörp goan, man nich noar t kerkhof tou. "Blikgat", dochde, "woor goat ze toch wol mit dat liek hen?"
Loater kwam dat aal goud, wör ja n nei kerkhof aanlegd boetn t dörp.
De eerste dai door begroavn wur, har de oale Vos zain.
Op n andere moal zag e n liekwoagn mit n wit peerd dr veur.
Datgebeurde ja nooit. Woorum zo 'n geval zuk veurdee, wus hai nich. Dat mus noa tied altied bliekn.
Non ja, was weer aine dood; de woagn mit et zwaarde peerd stèèt kloar, man dan wordt dat peerd steetsk. (onwillig).
Dat kwam zo: t was n pluusterig weer (wind en regen).
De olle vroulu kwammen mit de reegn-klaier aan. "Reegn-klaier" wazn grode zwaarde umsloagn over de schollers; as t weide, wappern ze nogal wat. Door schrok dat peerd van en was nich van t stee te kriegn.
Zodounde deden ze n widde veur de woagn, dai nich baange was.
d Oale heer veurspelde ook, dat er nog ais woagns komen zoln zunder peerd dr veur. Datwazn loater de auto's; hou dat precies tou goan zol, was hum niet bekend, man op weegn dai dr eevnmin wazn, zag e dan wat roln. En dan zunder peerd was ja n groot wonder.
"Komp ook nog n tied, dan drukt de mensn op n knobbe en zai proot mit aine op n ander stee". Ik was n kwoajong van joar of neegn en lag achter de bedstee-deurn te lusteren as de oale bie mien oal heer zat te prootn. Ik heur hum zukke dingn nog zegn. Mien voar leufde nich veul van Vos zien proatjes; man is nôn ja al meer dan de oale veurspeld hef.
Wur voak over hum verteld, man ain ding muik ik zulm mit.
Ik stön n moal op de dele; ik keek noar de peern en dou kwam d oale dr aan.
"Kiek", zee hai, "ie hebt doar vaier peern bie de krubbe stoan en dat heb ik vieftig joar leden al zain."
Mien boerderij stön dr dou nog nich en toch zag dai olle Vos dat er vaier peern bie de bak stönnen te hoaver vreetn.
Zo zag dai olle ook begravvenisn.
Doar kwammen wol es wonderlieke dingen bie veur, dai hai nich verkloarn kön, man dai loater toch oetkwammen.
Zo zag hai n liekstoatie deur t dörp goan, man nich noar t kerkhof tou. "Blikgat", dochde, "woor goat ze toch wol mit dat liek hen?"
Loater kwam dat aal goud, wör ja n nei kerkhof aanlegd boetn t dörp.
De eerste dai door begroavn wur, har de oale Vos zain.
Op n andere moal zag e n liekwoagn mit n wit peerd dr veur.
Datgebeurde ja nooit. Woorum zo 'n geval zuk veurdee, wus hai nich. Dat mus noa tied altied bliekn.
Non ja, was weer aine dood; de woagn mit et zwaarde peerd stèèt kloar, man dan wordt dat peerd steetsk. (onwillig).
Dat kwam zo: t was n pluusterig weer (wind en regen).
De olle vroulu kwammen mit de reegn-klaier aan. "Reegn-klaier" wazn grode zwaarde umsloagn over de schollers; as t weide, wappern ze nogal wat. Door schrok dat peerd van en was nich van t stee te kriegn.
Zodounde deden ze n widde veur de woagn, dai nich baange was.
d Oale heer veurspelde ook, dat er nog ais woagns komen zoln zunder peerd dr veur. Datwazn loater de auto's; hou dat precies tou goan zol, was hum niet bekend, man op weegn dai dr eevnmin wazn, zag e dan wat roln. En dan zunder peerd was ja n groot wonder.
"Komp ook nog n tied, dan drukt de mensn op n knobbe en zai proot mit aine op n ander stee". Ik was n kwoajong van joar of neegn en lag achter de bedstee-deurn te lusteren as de oale bie mien oal heer zat te prootn. Ik heur hum zukke dingn nog zegn. Mien voar leufde nich veul van Vos zien proatjes; man is nôn ja al meer dan de oale veurspeld hef.
Onderwerp
SINSAG 0487 - Vorbedeutung anderer Ereignisse. 
SINSAG 0487 - Vorbedeutung anderer Ereignisse. 
Beschrijving
Man ziet zaken van te voren, iemand zal eens vier paarden bezitten, begrafenis naar kerkhof dat later wordt aangelegd, kleur paard voor lijkwagen, wagens zonder paarden.
Bron
Collectie Wever, verslag 122, verhaal 1 (Archief Meertens Instituut)
Naam Overig in Tekst
Vos
Vos
Naam Locatie in Tekst
De Holte
De Holte
Plaats van Handelen
Wessinghuizen
Wessinghuizen
Datum Invoer
2013-03-01 14:46:21