WEV013002

t Was omstreeks 1900 en ik heb t heurd van mensn hier uut de buurt.
Op n dag ree er n boer mit peerd en wupkarre deur Boertange.
Dou e langs t huus van wief kwam, dei as hekse bekend ston, mos hai aal moar noar heur huus kiekn.
Hai vergat om op t peerd te paazn en door komp e haals over kop mit de haile boudel in t sloot terechte.
“Kiek”, zee e, “door he-je t gedonder al mit dat smerige wief; hef dat kring mie in t sloot voarn loatn. Moar ik geef heur aan.”
Hai kraabde tou t sloot uut, zörgde dat e hulp kreeg om de wupkoare weer op wale te kriegn en dou gung e noar t gerèècht.
Eerst muik e mit de klompe n kruus over de weg in t zaand.
“Ziezo, as dr nou mörn aine over dat kruus loopn hef, den hef de hekse mie te pakn had.”
Netuurlijk har dr ain overloopn, dat kon ja nait anders; luip altied wel wat op pad.
Bie t gericht muik hai zien beklag. Dat was in dei tied n soort boern-rechtbaanke uut t dörp zulf.
t Oal mens mos dr heer. De man wol, dat ze n fikse straf kreeg.
Moar de keerls van t gerecht wazzen toun net zo wied hen, dat ze nait meer aan heksn geleufden. Zai bepruiten hom en zeden, dat hai misschien nait goud uutkeekn har en ze t mens laiver loopn luitn. Dat is dou gebeurd. Moar de boer zulf bleef aan hekserij geleuvn.

SINSAG 0580 - Andere Hexenkünste    SINSAG 0580 - Andere Hexenkünste   

Man beweert dat hij gedwongen is naar het huis van een heks te kijken, en zij hem met paard en wagen in een sloot laat rijden. Hij maakt een kruis op de weg, met het geloof dat als er over het kruis wordt gelopen, de heks oorzaak is van het ongeluk. Er lopen mensen over het kruis, de man doet aangifte, maar rechters geven geen gehoor aan verzoek om vrouw te straffen.

Collectie Wever, verslag 130, verhaal 2 (Archief Meertens Instituut)

Boertange    Boertange   

Bourtange    Bourtange   

Bourtange    Bourtange   

Boertange    Boertange   

C199p    C199p   

2013-03-01 14:46:21