WEV007901

Hekserij, mien jong, dat kwam in mien kinderjoaren wel veur.
Nait dat k d’r zulf an leufd heb heur, moar mensen pruiten dr toch over.
Op de olle Schutn luip n vroumens mit stoetkörf en dei kon dr toch van verteln, da k dr bange van wur.
n Old mens hier zol den n hekse weezn en wie wurn dr veur woarschoud. t Was wel es gebeurd, dat t ol bie lu west har en dat dr noatied ’n kranse in n kuzzen komen was; dat was den heur schuld en in t vervolg wur ze van t haim jagd.
t Stoetswief har n keer mit moakt dat ze last van n hondje kreegn har. Daier was aal moar om de körf tou loopn; zai har de schoede over de stoetn hen holn, moar de hond was nait weg goan. Toun het ze hommoar n mep geevn en was e vot loopn.
“Moar, zee t ol, “ik kom eevn loater bie de hekse aan huus en doar ligt t mens op berre mit n boele an de kop; zai har zuk in n hond veranderd en het n slag van mie had.”
In t veen wazzen mensen dei zoks leufden.
Hekse zol ook n keer paor appels an aine geevn hebben.
dei appels wazzen in de kamnetskommen legd. Ander dag wazzen de appels weg en harren dr porren (padden) in de kommen zeetn.

TM 3109 - Heksenkrans in kussen    TM 3109 - Heksenkrans in kussen   

SINSAG 0640 - Hexentier verwundet: Frau zeigt am folgenden Tag Malzeichen.    SINSAG 0640 - Hexentier verwundet: Frau zeigt am folgenden Tag Malzeichen.   

SINSAG 0586 - Von Hexe empfangene Äpfel verwandeln sich in Kröten    SINSAG 0586 - Von Hexe empfangene Äpfel verwandeln sich in Kröten   

Na bezoek van heks zit er een krans in het kussen; heks is gewond als hond een schop heeft gekregen; appels die ze heeft gegeven zijn de volgende dag in padden veranderd.

Collectie Wever, verslag 79, verhaal 1 (Archief Meertens Instituut)

Olle Schutn    Olle Schutn   

Oude Schutting    Oude Schutting   

Oude Schutting    Oude Schutting   

G035a    G035a   

2013-03-01 14:46:21