WEV007902

Veurgezicht is gain biegeleuf, dat wait k uut ondervinnen.
k Heb daind bie n boer, dei zo moar zeggen kon, dat dr weer n dode komen zol. Wel t was, woz e nait, moar meer den ains had e gliek kreegn. k Wait dat e ais teegn aine zee: “Binnen ie gustroavend nog mit de woagen uut west?”
“Nee”, zee d ander, dei knecht was bie n boer.
"Nou", zee mien boas, "zeg moar niks, en proat dr nait over teegn de lu, moar ik heb n woagen van t aarf of komen zain guster, den komt dr n staarfgeval in huus."
En t is uut komen ook; is n zeun van dei boer verdronkn op Troapel; toun is de boernwoagen mit t liek van aarf of reden.
As mien boas zo n veurgezicht har, den gung e dr wel es achter aan, achter de liekwoagen. Hai zee den: “As de mensen dei dr achter loopn, klain van stuk binnen, is de begravvenis al dicht bie; as dr grootn achter aan komen, den duurt nog n laange tied.”

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Man ziet sterfgevallen van tevoren; lengte van mensen in begrafenisstoet bepaalt het tijdstip van de begrafenis.

Collectie Wever, verslag 79, verhaal 2 (Archief Meertens Instituut)

Troapel    Troapel   

Ter Apel    Ter Apel   

2013-03-01 14:46:21