WEV014201

Oale spookverhoaln ken ik joe wel verteln, temeer omdat wie stomp aan de grens wonen; de bevolking is hier maist haalf duuts en n bult binnen net as ik “heimatlos”.

Ik was n kwoajong, dou ik es n moal woakn mos bie n oale man in de buurt. Ik har dat nog nooit doan, moar mien voader zee, dat ik t best leern mug; de andere woakers konden den eevn sloapn.
De vrouw was dus zaik.
Ik goa noar t huus en door zit mie de man toch te schrouwn van k waitnait wat. Hai beulde t moar uut.
Ik zeg: “Wat wiln ie toch; zo slim is t nait mit joen vrouw.”
“O”, ropt e, “zai wiln mien Merie doodmoakn.”
“Merie doodmoakn? Hou komen ie dr bie?”
“Kom mit”, zee hai, “noar de schure, den zel ik die t zain loatn.”
Wie gungen noar de schure en door pakde hai n oakertje.
“Kiek”, zeg e, “door zit e in; n kranse, dei heb ik uut Merie heur kussen hoald; k zel hom ook aan andern zain loatn. Den wait elk en ain dat hier duvel aan de gang is.”
Ik was dou nog n jonge knuppel en begreep dr nait veul van; wel dat n kranse gevoarlijk was. De vrouw is ondertusn best geneezn.

TM 3109 - Heksenkrans in kussen    TM 3109 - Heksenkrans in kussen   

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Man meent dat krans in kussen van zijn zieke vrouw betekent dat de duivel haar wil doden.

Collectie Wever, verslag 142, verhaal 1 (Archief Meertens Instituut)

Merie    Merie   

Marie    Marie   

Barger-Compascuum    Barger-Compascuum   

2013-03-01 14:46:21