WEV015401

Mien voader vertelde:

Ik luip es n keer mit ain van mien bekenden deur Lo (= Vriescheloo) en toun zee e teegn mie: “Goa es eevn oet zied, door komen ze aan”.

Ik vruig: “Wat komp dr aan?”

“Kiek”, zeg e, zai binnen aal in t wit: aine, twei-e, drei-e, vare, vieve; zai loopt mooi op n riege achter nander aan.”

“Moar wat zugst nou,” zee mien oal heer.

“Ain begraffenis”; ik wait, wel dr achter loopn, moar dat zeg ik die nait.”

Mien voader het niks zain, moar zien vrund wos et wel; dei liekstoatie is nait lang loater over de weg goan.

Mien voar kon asmis ook wat zain; hai was mit de helm geboorn.

Bie de geboorte hebben mien oal lu dat ding in n flessie doan; toun mien voader overleedn is, gung de helm mit in de kiste.

t Is hom overkomen, dat e n moal op hoes aan gung en toun zag e volk oet hoes komen. Hai vruig den ook aan de vrouw, wel of dr toch west wazzen. Moeke mos erkennen, dat dr gain mens over vlouer west was. “Singelier”, zee de olle man, ”k zag ze zo dudelk loopn.”
n Zet loater is ain van mien bruiers overleden. Toun luip dus et volk tou t hoes oet. Voader was gain man, dei zokke dingen moar zo verzon; hai zag beslist veuruut.

Brandende hoezen het e ook zain. Ie konnen dr op aan, dat zo’n hoes er werklijk nait laank meer ston in zo’n geval.

Verder zag e riegn lichies. Hai zee voak: “Door komp nog es n weg.” Scheepn zag e voarn over t land en den wos hai, dat dr n knoal komen zol. Nou achterof mout ik wel bekennen, dat dr mensn binnen, dei inderdaod veurbeduudsels zain, want aal wat mien voar zag, is oetkomen. Main nou nait, dat ik biegeleuvig bin.

SINSAG 0481 - Leichenzug gesehen    SINSAG 0481 - Leichenzug gesehen   

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

SINSAG 0491 - Vorzeichen eines Brandes    SINSAG 0491 - Vorzeichen eines Brandes   

SINSAG 0493 - Vorzeichen eines Kanals    SINSAG 0493 - Vorzeichen eines Kanals   

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

TM 2901 - Helmdragers    TM 2901 - Helmdragers   

Zien van lijkstatie; met de helm geboren man ziet van tevoren begrafenisstoet, brand, schepen op land waar later een kanaal komt, lichtjes waar later een weg loopt.

Collectie Wever, verslag 154, verhaal 1 (Archief Meertens Instituut)

(verhalen uit Vriescheloo, de geboorteplaats.).

Lo    Lo   

Vriescheloo    Vriescheloo   

Vriescheloo    Vriescheloo   

C191p    C191p   

2013-03-01 14:46:21