Hoofdtekst
n Poar joar leden wur mien grootmoe zaik. Ik mus dr bie woakn. Ik zat zo allennig in de koamer en dou vernam ik gestommel op boetn. t Was net, of er aine mit klompen aan teegn t hoes langs luip. Hai dee de deure oopn, kwam in t veurhoes, muik de kelderdeure lös en gung de kelder in. Door zat hai bie de weckflesn te rammeln. Ik keek ja es tou, man zag niks.
t Wur mie roar tou. Anderdagaovend vruig ik mien kameroad of hai mie gezelschap holn wol. Dat was best. Mit ons beidend passen wie op en door kwam in de nacht t zulfde geluud weer. Mien kameroad, dai toch al niks te driest was, keek zo wit as n liek.
Hai is ook nooit weer mit west; t wur hum te gek.
Nog meer van mien femilie hebben woakt en allemaol heurden ze dat wonderlieke geluud. Man de deurn bleevn wol tou.
Aine van de woakers vul inains wat anders op. Wie harn door nog nich op let. Man as dat gestommel teegn t hoes begunde, dee mien grootmoe de hannen umhoog boovn de kop. En as t geluud weer vot was, gungen de hannen noar doale op de deekns. Ik heb mien beurt weer woakt, man verscheiden duzzen nich meer mit.
Mien grootmoe is beter worn; man zai was old en doorum is ze bie aine ingoan. t Hoes is leeghoald en non kan ik dat geluud in de kelder verkloarn. Dat mens, woor ze bie introkn is, hef alle weckflesn oet de kelder hoald en noar heur aign hoes brocht.
Dat veurspooksel moutn wie dou vernomen hebben. Zo denk ik er teminste over.
t Wur mie roar tou. Anderdagaovend vruig ik mien kameroad of hai mie gezelschap holn wol. Dat was best. Mit ons beidend passen wie op en door kwam in de nacht t zulfde geluud weer. Mien kameroad, dai toch al niks te driest was, keek zo wit as n liek.
Hai is ook nooit weer mit west; t wur hum te gek.
Nog meer van mien femilie hebben woakt en allemaol heurden ze dat wonderlieke geluud. Man de deurn bleevn wol tou.
Aine van de woakers vul inains wat anders op. Wie harn door nog nich op let. Man as dat gestommel teegn t hoes begunde, dee mien grootmoe de hannen umhoog boovn de kop. En as t geluud weer vot was, gungen de hannen noar doale op de deekns. Ik heb mien beurt weer woakt, man verscheiden duzzen nich meer mit.
Mien grootmoe is beter worn; man zai was old en doorum is ze bie aine ingoan. t Hoes is leeghoald en non kan ik dat geluud in de kelder verkloarn. Dat mens, woor ze bie introkn is, hef alle weckflesn oet de kelder hoald en noar heur aign hoes brocht.
Dat veurspooksel moutn wie dou vernomen hebben. Zo denk ik er teminste over.
Onderwerp
SINSAG 0487 - Vorbedeutung anderer Ereignisse. 
SINSAG 0487 - Vorbedeutung anderer Ereignisse. 
Beschrijving
Wakers bij zieke grootmoeder horen 's nachts iemand komen, naar de kelder gaan en de weckflessen rammelen. Nadat grootmoeder bij iemand is ingetrokken haalt die de weckflessen uit de kelder en neemt ze mee.
Bron
Collectie Wever, verslag 157, verhaal 5 (Archief Meertens Instituut)
Datum Invoer
2013-03-01 14:46:21