NOOIJER000103

Zonnemaire
Di woonde vroeger ene Jewanna Hoeke, ’n zuster van ’n grôôten boer, Daan Hoeke. Die kon ok tôôvere. Op ’n keer zou ’t er ’n uutvoerige wezen op ’t durp. Een jongen en een meisje, die tegen Jewanna tante mosse zegge, zoue d’r ok ni toe gaen.
Jewanna zei ’s mirrigs: “Motte julder ok ni die uutvoerige?” Ze zeie van ja en Jewanna zei toen: “Pas dan maer op. Oe laete komme je nir uus?” Ze zeien: “Om twelf ure.” “Noe,” zei tante, “’k zegge je nog êêns: pas maer op.” Ze begrepe d’r nie vee van wat of tante bedoelde, mae ’t zou wè uutkomme.
’s Nachs om twelf ure gienge ze van ’t durp nir uus. Een kwartier buten ’t durp, op de Zonnemairse diek, zagge ze inêêns een planke schot over êêl de brêêdte van d’n diek stae. Ze konne d’r nie verbie. Ze liepe ni ’t durp terug en verteld’n an de velwachter wat ‘r opdee. Die gieng mie ulder mee, mae di was nergens mi een planke schot te bekenne. Ok toen de velwachter allêêne terug gieng, ei ‘t ’n niks mi ezieë. Laeter eit’n wè ’s ezeid: “Z’aan nie direkt ni ’t durp terug motte lôôpe, dan aan ze nog wè are dienge beleefd.”

SINSAG 0580 - Andere Hexenkünste    SINSAG 0580 - Andere Hexenkünste   

Jongen en een meisje die naar het dorp gaan krijgen ze van hun tante, die kan toveren, te horen dat ze op de terugweg om twaalf uur 's nachts moeten oppassen. Op de terugweg, kort na middernacht, is de weg versperd, en gaan ze terug naar het dorp. Als ze met de veldwachter weer op dezelfde plaats komen, is er niets te zien.

Collectie De Nooijer, verslag 1, verhaal 3 (Archief Meertens Instituut)

.

Jewanna Hoeke    Jewanna Hoeke   

Daan Hoeke    Daan Hoeke   

Zonnemairse    Zonnemairse   

Zonnemaire    Zonnemaire   

Zonnemaire    Zonnemaire   

2013-03-01 14:46:21