NOOIJER001202

Me waere in 1944 ok gevacueêrd voo de Duitsers in me ao aoles achter motte laete. Ma in juni 1945 mochte me trugkomme in netuurlek zō gauw mogeluk geperbeerd om wi mee ’t vissen te beginne. ‘k È m’n bôôt wi in orde ebracht in in ’t waeter eleid. In goed, noe was ’t aolef juli in un êête weke. ’s Aeves gieng d’n damp over ’t land zō’n meter ôôge. In ik ma visse, dat begriep je. In ja, ’t was zō snachs om ’n uur of drieë. Ik roei zō wat en di zie ‘k wat ankomme over ’t karreveld. ’t Was zō ies as ’n voetbal in die bal was êêne bonke vier.
‘k Ieuw netuurluk op mit roeien om ’t goed te zien wat of dat noe eigeluk was. Zo as ‘k zei: die vierbal was eest zō grôôt as ’n voetbal ma ie wier aol ma grôôter. En die bal kwam ni mien toe rolle over ’t karreveld in zō ni ’t waeter. In toe die vierbal bie ’t waeter kwam gieng ’n inêêns ni bove, steil de lucht in. ‘k Bin nie biegelôôvig, ma ‘k vond ’t toch ma vreemd. Toe ‘t d’n aoren dag gôêd licht was bin ‘k nog ’s gae kieke of ’t er wat te zien was op de plekke wi ‘k die bal over ’t land ao zie rolle. Ma ‘k è niks kunne vinde. D’r was niks eschrôêid of ebrand. ’t Was wè erg vreemd in ‘k è ’t laeter nooit mi ezieë.

SINLEG 0023 - Lichterscheinungen    SINLEG 0023 - Lichterscheinungen   

Vissende man ziet een vuurbal over het land op hem afkomen. Bij het water stijgt de vuurbal op. De volgende dag is er op de plek niets te zien.

Collectie De Nooijer, verslag 12, verhaal 2 (Archief Meertens Instituut)

Duitsers    Duitsers   

Sirjansland    Sirjansland   

2013-03-01 14:46:21