NOOIJER001501

De visleurders uut Erremuje gienge geregeld mit vis leure in Middelburg. Tussen Erremuje en Middelburg lag ’t Erremuuesepadje, dat was een voetpad dwars deur ’t land mit plankjes over de dulven. Dat padje begon bie de begraefplaes in Middelburg in liep tot ’t veer over de Arne, kort bie Erremuje. Langs dat padje waere verschillende drienkenspitten voo de bêêsten.
Op ’n keer ao ’n Erremujenaer in Middelburg mee vis eleurd. Zō tegen ’n uur of vuve ’s aevens, ’t wier a donker, verkocht ’n z’n laaste zootje vis an ’n vroūwe. Tegen die vroūwe zei ‘t ’n toe: “Kwa, noe gae ‘k zie da’k bie m’n vrouwe komme.” Die Middelburgse vrouwe zei toe: “Zôôe, dan bin jie voreest nog nie tuus.”
Die visleurder gieng toe op weg ni Erremuje, zō gewoon langs ’t padje. “Over ’n ure bin ‘k tuus,” doch’n. ’t Wier gauw donker dien aevond en toe ‘t ’n zō over ’t padje liep, kwam ‘t ’n bie zō’n drienkenspit. En in plaes dat ’n rechtdeur liep, begon ‘t ’n rond die pit te laopen. Oe of ’n ok keek, ’t padje zag nie mi. Je zou zō zegge: “Oe kan ‘t?” Ma ie wier eêlemaele nie moee. Zō eit’n d’n êêlen nacht rond die pit elôôpe in ie kon ’t Erremuuese padje nie vinde. Ie begreep wè dat’n deur dat wuuf in Middelburg betôôverd was.
Toe ’t licht wier stong ’n inêêns bie ’t padje. De betôôveringe was toe weg.
Toe nir uus, dat begriep je. Z’n vroūwe ao êêl d’n nacht ongerust eweest. Ze was bliee toe t’n eindelienge tuus kwam en ze vroeg: “Wir ei jie no toch d’n êêlen nacht ezete?” Ie vertelde toe dat ’n deur ’n Middelburgse vroūwe betôôverd was in d’n êêle nacht rond ’n drienkenspit most laopen.

SINSAG 0750 - Andere Zauberei.    SINSAG 0750 - Andere Zauberei.   

Visventer krijgt van vrouw aan wie hij zijn laatste vis verkoopt te horen dat het lang zal duren voordat hij thuis zal zijn. Bij een drinkput blijft hij de hele nacht rond de put lopen, maar wordt niet moe. Als het licht wordt kan hij het pad weer vinden, de betovering is verbroken.

Collectie De Nooijer, verslag 15, verhaal 1 (Archief Meertens Instituut)

Erremuuesepadje    Erremuuesepadje   

Arnemuiderpad    Arnemuiderpad   

Arne    Arne   

Erremujenaer    Erremujenaer   

Arnemuider    Arnemuider   

Middelburgse    Middelburgse   

Arnemuiden    Arnemuiden   

Middelburg    Middelburg   

Erremuje    Erremuje   

Middelburg    Middelburg   

Arnemuiden    Arnemuiden   

2013-03-01 14:46:21