MVS021 - Van Jhesus budel. Capitel XXI

Van Jhesus budel. Capitel XXI
DOemen screef MCCCC ende XXIII starf Willem Peeters soen, haer brueder, ende hi liet vele sculden achter die sijn kindere niet en mochten betalen. Ende daer om vercochte si die andere cleynoden die sij ghehouden hadde. Ende dat ghelt dat daer af quam - als ontrent VIII pont Hollants -, liet sio wisselen om cleyn ghelt van eenre munten die sij best kende ende leydet bij haer in enen budel. Daerna sende si Clays, haren neve, op een [229Va] avestont uut om te betalen allen den ghenen die haer brueder yet sculdich was. Doe Clays dat hadde ghedaen, liet Liedewy dat ander ghelt tellen ende hi vant inden budel also vele boven die eerste somme, dat sij Onsen Lieven Heere daer af grootelijc dancte ende gaf dien budel enen name die si voert aen soude heeten Jhesus budel, ende beval dat men daer uut den armen soude gheven als si anders niet en hadden te gheven. Ende dat wort also minlijc ghedaen dat by wilen die budel sceen ledich te wesen, maer nochtan soe warter also vele in ghevonden, dat den armen altoes daer uut wort ghegheven.
Sij gaf menichwerf den budel metten ghelde te tellen enich van haren vrienden een werf ende daer na anderwerf ende derdewerf, ende altoes vant hij dat ghelt sommeghe pennighen ghemeerret in die budel. Sij plach mede te segghene heymeliken vrienden dat sy - na dat haers brueders scult betaelt was - meer dan XL pont uten budel den armen hadde ghegheven.
Ende daer na levede sy tusschen vijf of ses jaer ende gaf den armen daer uut altoes mildelijc. Doe sij doot was, so hadden noch somighe vrienden ghelt [229Vb] van dat sij van haer ontfanghen hadden. Ende in dien budel wort also vele ghevonden, dattet te samen maecte meer dan die helft vanden ghelde dat eerst in den budel was ghedaen.

SINLEG 0471 - Die Börse des Heiligen enthält immer eine bestimmte Summe.    SINLEG 0471 - Die Börse des Heiligen enthält immer eine bestimmte Summe.   

Liedwy verkoopt haar kostbaarheden, het geld doet ze in een buidel, en laat met het geld de schulden van haar overleden broer voldoen. Na betaling blijkt er meer geld in de buidel te zitten dan er voorheen in zat. Met het geld uit de buidel dat steeds weer aangroeit, worden de armen geholpen.

Het leven van Liedewij, de maagd van Schiedam. (Ed. Ludo Jongen en Cees Schotel). Verloren, Hilversum 1994 (tweede druk).

Tekst en informatie: http://www.dbnl.org/tekst/_lie002lied01_01/

Willem Peeters    Willem Peeters   

Liedewy    Liedewy   

Clays    Clays   

Jezus    Jezus   

Hollants    Hollants   

Lidwina    Lidwina   

Onsen Lieven Heere    Onsen Lieven Heere   

Schiedam    Schiedam   

K003p    K003p   

2013-03-01 14:46:21