Hoofdtekst
Sy hie dêr in min leven. Har styfmem snaude altyd op har om. Yn 'e keuken moest se it fjûr ûnderhâlde en de jiske fuortbringe en sa. Dêrom neamden se har Assepoester.
Op in kear woarde bikend makke, dat de koaning, dy socht in frou. Alle jonge fammen woarden útnoadige om op it paleis to kommen, hwant dêr soe dânse wurde. Trije jounen oanien.
De beide styfsusters fan Assepoester gongen ek hinne. Mar Assepoester net, dy mocht net. Sy hie trouwens ek gjin klean, oars net as hwat fodden en bellen. Doe't de beide âldste dochters nei 't feest ta gongen sei de styfmem tsjin Assepoester: "Ga straten schrobben tot over de buren."
Assepoester gûlde, mar sy krige de skrobber en gong oan 't wurk.
Doe kom der in toverfé by har. Dy joech har moaije klean, dy't har krekt pasten. Doe kom der in prachtich rydtúch foar. Dat wie in glêzen bol út 'e tún en dêr roannen mûzen foar. Dy brochten Assepoester nei it paleis ta. Mar sy moest foar tolven wer thús wêze.
Assepoester wie de allermoaiste fan it hiele feest. De koaning dânse hyltyd mei har. Sy wie foar tolven wer thús. Sy joech de moaije klean oan 'e toverfé en luts har âlde plunje wer oan.
De oare jouns gong it krektengelyk. De koaning dânse allinne mar mei Assepoester.
Mar de trêdde jouns wie it hwat ryklik let woarn op it feest, dat doe sleepte se yn 'e haest in gouden skoechje wei.
Dat foun de koaning. Doe liet er bikend meitsje, dat hy woe trouwe mei deselde dy't dat skoechje paste. Doe gong er by de lju lâns. Sa kom er ek yn it hûs fan Assepoester. De beide âldste dochters hienen fiersto greate fuotten, mar doe snijden se stikken fan 'e hakken ôf. Mar doe paste it skoechje har noch net en der kom bloed yn.
Doe frege de koaning of der nòch in dochter wie. Dat woenen se earst net wêze, hwant sy skammen har foar Assepoester. Mar de koaning hâldde oan en doe kom Assepoester to foarskyn.
En it skoechje paste har krekt.
Doe sette de koaning har foar him op it hynder en sa ried er mei har nei it paleis ta.
Der fleach in fûgeltsje foar him út, dat rôp:
"Hij rijdt met de ware bruid naar huis!"
De koaning troude mei Assepoester en sy woarden o sa gelokkich.
Onderwerp
AT 0510 - Cinderella and Cap o' Rushes   
ATU 0510A - Cinderella.   
Beschrijving
Bron
Motief
S31 - Cruel stepmother.   
L55 - Stepdaughter heroine.   
L102 - Unpromising heroine.   
L131 - Hearth abode of unpromising hero (heroine).   
N815 - Fairy as helper.   
D1111.1 - Carriage produced by magic.   
N711.6 - Prince sees heroine at ball and is enamored.   
C761.3 - Tabu: staying too long at ball.   
R221 - Heroine’s three-fold flight from ball.   
H36.1 - Slipper test.   
L162 - Lowly heroine marries prince (king).   
Commentaar
Naam Overig in Tekst
Assepoester