STOP0121_0122_20672

Weet je wuk dat ‘k e keer oendervoenden ikke? Dat is etwot die wor is. ‘k An wel duusd keren binnen geweest bij mijn gebeurnege en ‘k an nog nooit nieten oendervoenden dormee. Mor ‘k kregen ik ommèkeer zuk e benauwdheid over mijn herte. En ‘k an dat vromens ol dikkens gezien in mijn visioen in mijn bedde, dat ‘k ze zag in levende lijve wè en ‘k an zuk e gruw van dat vromens dat ‘k dor niet meer ollene doste bluven in mijn huus en dat ‘k nor mijn zuster ging. En o ‘k ik dor wos, ‘k sliepen ik dor lik e roze. En o’k ik nor mijn huus wereging, krege’k ik were zuk e gruw dat’k niet meer doste up mijn kamer gon. En’k ging nor de paster, en de paster kwaam nor thuzent enne las hij e bitje enne zei: "Je moet nor de paters gon nor Ieper." En ik ging nor de paters nor Ieper en ’t wos Smedtje die kaam, dat ‘k kende. En ‘k vertelde dat ozo an hem. En ’t wos dor e kapelle en ‘k moste dor e kruusgebed lezen enne bleef hij dor bij mij. En ‘k zeggen tegen hem: "Die toverij bestaat toch?" "Ja, bestaat dat? Zeiten, mor ne zei mor dat. Enne gaf dor drie slunschges (voddekes) mee met etwot d’rin mor wuk dat er dorin zat weet’k ik niet wè. En ‘k moste die slunschges achter mijn deure hangen en ze ging niet meer binnen kunnen, zeiten. En dat vromens kaam toen oltemets nor mijn zuster en ‘k zagen ze en ‘k zein: "Je moet e keer kommen!" Ik zein dat om te zien o ze ging binnen kunnen e ze kaam zij binnen lik van te voren. De pater gaf me de litanie van de heilige Theresia en ‘k moste dat negen dunderdagen lezen. ’t Is wor wè? En ‘k an ik dikkens e keer hoord dat o j’er bachten ging, en o je tort (trapte) in heur stappen dat ze ging ommekijken. En ‘k kommen dor e keer gegon enee in e smol wegeltje en ’t wos dor e kruuspunt. Ik kamen van olhier en zij kaam van oldor en ze keerk niet meer nor mijn en ze wilde geen gemeens èn (niet praten). En o’k ik an heur huus passeerde, sproeng ze om binnen te zijne. En ‘k èn toen nog duusd keren achterna geweest en ‘k èn nooit meer benauwd geweest. O ‘k ik in heur stappen ging, ze stoop heur en ze keek bachten heur en ‘k an ik toen zuk èn eeuwigen gruw. En o’k ik dat negen dunderdagen gelezen an, wos ‘k ik niet meer gepijnd en dat wos toen gedon.

SINSAG 0580 - Andere Hexenkünste    SINSAG 0580 - Andere Hexenkünste   

SINSAG 0641 - Hexe erkannt. Sie sieht sich um, wenn ihr Fusstritt gekreuzt wird (rächt sich).    SINSAG 0641 - Hexe erkannt. Sie sieht sich um, wenn ihr Fusstritt gekreuzt wird (rächt sich).   

Een vrouw was al vaak zonder problemen bij haar buurvrouw op bezoek geweest. Op zekere dag kreeg de vrouw het echter benauwd toen ze bij haar buurvrouw was. Ze had die buurvrouw bovendien ook al vaak in een droom gezien. Het werd zelfs zo erg dat de vrouw niet meer alleen durfde thuisblijven en bij haar zus ging logeren. Bij haar zus sliep de vrouw als een roos, maar zodra ze in haar eigen bed lag, kreeg ze het weer benauwd. De vrouw liet een pastoor komen, die haar aanraadde naar de paters van Ieper te gaan. Van één van de paters moest de vrouw een kruisgebed bidden in de kapel. "Toverij bestaat toch?" vroeg de vrouw aan de pater, waarop deze antwoordde: "Ja, bestaat dat?" De pater gaf de vrouw drie vodjes waar iets in zat. Die vodjes moest ze bij haar deur hangen, zodat de schuldige niet meer zou kunnen binnenkomen. Toen de vrouw op een dag bij haar zus was, kwam de buurvrouw naar daar. "Je moet nog eens bij mij langskomen", zei de vrouw toen. De buurvrouw ging op de uitnodiging in, en geraakte zonder problemen binnen.
De vrouw ging opnieuw naar de paters en kreeg de litanie van de heilige Theresia. Die litanie moest ze negen donderdagen lezen. Sindsdien negeerde de buurvrouw haar volledig. Wanneer de vrouw voorbij dat huis wandelde, haastte de buurvrouw zich naar binnen. Na die negen donderdagen, werd de vrouw nooit meer geplaagd. Wanneer de buurvrouw vóór haar liep en zij haar voetspoor kruiste, keek de buurvrouw achterom.

S. Top, Leuven, 1964

2.1 Heksen

west-vlaams (vrijbos)

61A

memoraat

Heilige Theresia
Theresia (Heilige)

paters van Ieper    paters van Ieper   

Ieper (paters van)    Ieper (paters van)   

Merkem    Merkem   

Ieper    Ieper