CLUCHT253

Van twee ghesellen die avontuer ghinghen soecken.

Op eenen tijt waerender twee ghesellen diewelcke t'samen ghinghen nae ITALIËN om aventuere te soecken. Aldus is den eenen onderweghen sieck gheworden. Also syn sy ghecomen tot BRUESSEL, in SWAEVEN, daer hebben si om herberghe ghebeden ten huyse van den buerghemeester. Ende opten selven tijt was des borghemesters dochter die bruyt, so datter veele te doene was. So hebben sy haeren dienst ghepresenteert, als om ter tafelen te dienen, schotelen ende telyoren te wasschen oft den spit te weynden. Sy hebben hen herberghe ghegeven. Den siecken en cost niet ghedoen dan den spit te weynden, den anderen heeft helpen coken, als het witmoes te roeren, schotelen ende telyoren te droogen. Dus hebben se den siecken een schotel witmoes gegeven om daer af te eeten, het dwelck hem so wel smaecte dat hem dochte, hadde hy noch van dat witmoes gehadt, hy soude daer af genesen hebben. Soo heeft hi synen mede[ghe]sel ghebeden dat hy gadeslaen soude waer dat men dat witmoes setten soude dat daer overgheschoten was. Ende bat hem dat hij 's hem noch een schotel gheven soude. Dus als 't al gheten was, so ghinc die bruyt te bedde op een schoon gaelderye, op diewelcke stonden twee oft dry bedden. Ende dese ghesellen waeren oock op die voorschreven gaelderye ghewesen om te rusten, by des bruyts bedde. 's Nachs, ontren[t] één ure, als si allegader in 't slaep waeren, so heeft dien siecken ghesel den anderen ghebeden dat hi opstaen soude ende halen hem van dat witmoes dat daer overgheschoten was. Ende hi hevet ghehaelt. Als hi nu wederom op die gaelerye quam, so is hi aen des bruyts bedde ghegaen, meynende aen syn medeghesellens bedde te syn, ende boot haer dat witmoes. Die bruyt lach metten aersschat bloot ende heeft eens ghevesten. Ende hy meynden dat synen medeghezel ghewest waere die so gheblasen hadde, so heeft hi gheseet: 'En blaest niet meer, het is cout ghenoech.' Met dien heeft sy noch eens ghevesten, doen seyde hi weder: 'En blaest niet meer, het is coudt ghenoech.' Ende ten derden, so heeft sy noch eens ghevesten, ende hy seyde: 'En blaest niet meer, oft ick worpe u die schootel metten witmoes op u bachuys.' Daernae heeft sy noch eenen grooten veest ghelaeten. Doen nam die goede gheselle die schootel metten witmoes ende worp se die bruyt in haeren aers, meynende dat het aensicht van synen medegeselle gewest hadde. Waer af die bruyt wacker worde ende sy riep totten bruydegom: 'Het isser al qualijck ghevaeren,' ende riep: 'al stront, al stront!' Den bruydeghom heeft een keers ontsteken om te besien watter gaens was, soo heeft hy die bruyt metten wytmoes in 't gat vinden ligghen. Ende hy seyde: 'Och lieve huysvrouwe, ic sie wel dat ghi niet wel te passe en syt, want also als ghi dat witmoes ingheten hebt, also is 't u wederom afghegaen.'

Eynde des CLUCHTBOECKX.

AT 1691 - "Don't Eat too Greedily."    AT 1691 - "Don't Eat too Greedily."   

ATU 1691 - The Hungry Clergyman    ATU 1691 - The Hungry Clergyman   

Twee reizigers kregen in ruil voor wat huishoudelijke klusjes onderdak in het huis van de burgemeester. Een van hen was ziek, en wilde 's nachts nog wat tarwepap. De ander haalde dat voor hem en kwam per ongeluk bij het verkeerde bed terug, waar de dochter van de burgemeester in lag. Zij lag met haar achterwerk bloot. Denkende dat dit het gezicht van zijn maat was, hield hij daar de pap bij, en zij liet juist toen een paar winden. De man werd boos, omdat hij had gezegd dat blazen niet nodig was: de pap was koud. Daarom gooide hij de pap op haar achterwerk. De dochter en haar man werden wakker en dachten dat ze diarree had.

H. Pleij, J. van Grinsven, D. Schouten & F. van Thijn: Een Nyeuwe Clucht Boeck. Een zestiende-eeuwse anekdotenverzameling. Muiderberg 1983.

1554

Bron: onbekend.

"Don't Eat too Greedily."

Bruessel    Bruessel   

Swaeven    Swaeven   

Italiën    Italiën   

Italië    Italië   

Brussel    Brussel   

Schwaben    Schwaben   

2013-03-01 14:46:22