WEV011101 - Honden.

Honden.
Uut aigen ervoaring ken ik joe dit verteln: ik was es n moal achter op t land aan t waark en door zit mie aal moar n hond te jankn. Hai zat op de weg en keek noar n huus tou.
Is dr nou gain man störvn n zet loater? De liekstoatie gung over de weg, woor de hond zat te hoeln.

k Heb ook wel es n hond jankn heurd midden in de nacht.
Nait laank doornoa sturf dr weer aine
En t jankn was toun doan. Doorom zol je toch zegn, dat dei daier n soort veurgevuil hebben.

Was vrouger ook veul biegeleuf over honden in de Beetse.
Bie Wienans heurden ze op n oavend klopn aan de deure.
d Oal man noar boetn en door stait n grode zwaarde hond.
Nou mout ie waitn, dat dei mensn in n huus woonden, woorvan de veurigeaigenoar vermoord was. Wat dochden dus Wienans en de vrouw? Door komt oal P. weer aan in de vörm van n hond. t Daier gung bie de kachel lign, tot zo laank, dat W. t begon te verveeln.
Tou zee hai: "Goa vot".
De hond luip toun de koamer weer uut
Moar doormit was t nog nait ofloopn.
De andere dag stait W. bie de pestoor op stoebe.
Heeroom komp en lop deur de koamer; streut wat wierook deur t huus en toun wazzen de olle lu pas gerust. 
De vermoorde P. zol wel nait weer terogge komen.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Voorbeelden van sterfgevallen na horen van jankende honden. Mensen menen dat zwarte hond die in huis komt een terugkerende dode is; menen dat na het wijden van het huis door de pastoor de dode niet terug zal komen.

Collectie Wever, verslag 111, verhaal 1 (Archief Meertens Instituut)

Wienans    Wienans   

Wijnands    Wijnands   

P.    P.   

W.    W.   

Beetse    Beetse   

Sellingerbeetse    Sellingerbeetse   

Sellingerbeetse    Sellingerbeetse   

G015b    G015b   

2013-03-01 14:46:21