Registratie zal enige tijd duren. Deze functie is in ontwikkeling.

WEV012201 - Vechtn mit de duvel

Een sage (mondeling), woensdag 06 april 1966

Hoofdtekst

Vechtn mit de duvel.
Was es n moal n boernknecht. Hai waarkte in Blijham. Dou hai door n zetkn west har, begund-e moager te worn. t Wur hoast bie de dag slimmer.
Zien oln maarkten t wol, man dochden dat van de drokte kwam. Hai was zulf wol beter, man duurde er nich over prootn. Ain van zien kameroaden vuil t ook op, dat e dr zo slecht oet keek. Doorom vruig e hum: “Wat scheelt die toch, das dr zo miezerig oetkikst?”
En dou kwam t verhoal lös. Jong zee:
“Ik sloap bie d boer op de dele in de snikke. Precies um twaalf uur s nachts gèèt de achter deure lös en dan komp dr n ding in hoes mit ketns aan de pootn. Dai ketns heur k over dele schuurn. Dat ding gèèt op mie zitn en dan bin k toch zo benauwd; net of mie de oam ofkneepn wordt.
Mit de oale lu duur k dr nich over prootn, man ik wor dr min van.”
Kameroad zee teegn hum: “Ik goa vannacht mit die en dan zuwwe es kiekn, of wie hum aan können.”
s Nachts goat de beide jongkerels in t snikke sloapen; kameroad veur, knecht achter.
Um twaalf uur gebeurt t.
Achterdeure wordt lös moakt; t geluud van n ketn komp aal stomper bie in richtn van t snikke.
De kameroad wacht of. Hai heurt wol wat, man zug niks.
Dan op ain moal vuilt e wat aan hum langs striekn.
Hai gript t kniepmes, dat e mitnoomn har en hout er mit um t ronde.
Hai vernemp, dat e wat rak, meer nich.
Noa dai nacht hef t geval zuk nooit weer veur doan.
Mit boernknecht gung t non goud; duvel luit zuk nich weer zain.

Onderwerp

SINSAG 0797 - Mensch von Mahr beritten; Mahr wird ertappt.    SINSAG 0797 - Mensch von Mahr beritten; Mahr wird ertappt.   

Beschrijving

Boerenknecht gaat er steeds minder goed uitzien doordat hij om twaalf uur 's nachts bezocht wordt door iets dat op hem gaat zitte, waardoor hij het benauwd krijgt. Eén van zijn vrienden die op een nacht meegaat, hoort en voelt wel wat, maar ziet niets. Met het stuk hout dat hij meegenomen heeft, zwaait hij rond en raakt wat. Daarna heeft de duivel zich niet meer laten zien.

Bron

Collectie Wever, verslag 122, verhaal 1 (Archief Meertens Instituut)

Commentaar

6 april 1966
snikke: kamertje waar vroeger de boerenknechten sliepen; niet al te fraai natuurlijk! [F.W.]
Mensch von Mahr beritten; Mahr wird ertappt

Naam Overig in Tekst

Blijham    Blijham   

Datum Invoer

2013-03-01 14:46:21