Hoofdtekst
De oeger, de bern yn 't sâlt en de hillige
It is tige lang lyn, doe stie der earne yn Drinte, by Reebrugge, in slot of stins. Op in kear waard dat slot oerfallen, de minsken allegear fermoarde en it hûs platbrând. Mar in jonge en in fanke wienen út dat slot ûntkommen en swurven om. Nei in setsje kamen se by in húske, dêr't in man allinne yn wenne. Se fregen: 'Kinne jo ús ek helpe? Wy hawwe sa'n honger en wy hawwe gjin ûnderdak'. 'Jonge ja', sei de man, 'kom der mar yn, ik help jim wol'.
De bern mienden, dat se goed te plak wienen, mar it die bliken, dy man wie in oeger, in minskefretter. Lykwols, op dat stuit hie er net dalik ferlet fan fleis. Hy slachte de bern, sâlte se yn en sette se yn 'e pikel yn in tonne.
En doe, sân jier nei de tiid, kaam der in man by de oeger oan 'e doar. Dat wie in hillige en dy waard troch de oeger ynnoege en wakker let en set. Hy sei, hy hie noch wat yn 't fet foar de gast, dat trof er nearne oars — pikelfleis dat sân jier âld wie, en dat wie wol it lekkerste dat der te krijen wie.
Hy kaam der oan mei dy tonne. Mar de hillige wist wol, wat der foarfallen wie. Hy lei sân fingers, fiif fingers fan 'e iene en twa fan 'e oare hân, op dy tonne. 'Sân jier', sei er, 'is dit fleis hjir âld en sân jier lyn binne hjir in jonge en in famke by jo kommen. Jo beloofden, jo soenen har helpe, mar jo hawwe se fermoarde. Jo hawwe se, sis mar, ferslachte en har hjir yn dizze tonne opburgen'. Doe spriek dy hillige in toverspreuk en de beide bern, dat jonkje en dat famke, kamen wer nei boppen ta, út dy tonne, en dy libben wer. Dat wie it grutte wûnder dat de hillige die.
It is tige lang lyn, doe stie der earne yn Drinte, by Reebrugge, in slot of stins. Op in kear waard dat slot oerfallen, de minsken allegear fermoarde en it hûs platbrând. Mar in jonge en in fanke wienen út dat slot ûntkommen en swurven om. Nei in setsje kamen se by in húske, dêr't in man allinne yn wenne. Se fregen: 'Kinne jo ús ek helpe? Wy hawwe sa'n honger en wy hawwe gjin ûnderdak'. 'Jonge ja', sei de man, 'kom der mar yn, ik help jim wol'.
De bern mienden, dat se goed te plak wienen, mar it die bliken, dy man wie in oeger, in minskefretter. Lykwols, op dat stuit hie er net dalik ferlet fan fleis. Hy slachte de bern, sâlte se yn en sette se yn 'e pikel yn in tonne.
En doe, sân jier nei de tiid, kaam der in man by de oeger oan 'e doar. Dat wie in hillige en dy waard troch de oeger ynnoege en wakker let en set. Hy sei, hy hie noch wat yn 't fet foar de gast, dat trof er nearne oars — pikelfleis dat sân jier âld wie, en dat wie wol it lekkerste dat der te krijen wie.
Hy kaam der oan mei dy tonne. Mar de hillige wist wol, wat der foarfallen wie. Hy lei sân fingers, fiif fingers fan 'e iene en twa fan 'e oare hân, op dy tonne. 'Sân jier', sei er, 'is dit fleis hjir âld en sân jier lyn binne hjir in jonge en in famke by jo kommen. Jo beloofden, jo soenen har helpe, mar jo hawwe se fermoarde. Jo hawwe se, sis mar, ferslachte en har hjir yn dizze tonne opburgen'. Doe spriek dy hillige in toverspreuk en de beide bern, dat jonkje en dat famke, kamen wer nei boppen ta, út dy tonne, en dy libben wer. Dat wie it grutte wûnder dat de hillige die.
Beschrijving
Er wordt een kasteel overvallen, waarbij de hele boel platgebrand wordt. Behalve een jongen en een meisje overleeft niemand deze aanslag. De jongen en het meisje zwerven rond en kloppen op een geven moment aan bij een huis. Een man doet open en verschaft hen onderdak. Maar de man is kannibaal en slacht de jongen en het meisje. Het mensenvlees zout hij in en doet het in een ton. Een jaar nadat dit heeft plaatsgevonden, wordt er op zijn deur geklopt. Het blijkt een heilige te zijn, die weet wat er met de jongen en het meisje is gebeurd. De man biedt de heilige gepekeld vlees aan. Deze legt zijn handen op de ton en spreekt een toverspreuk uit. Uit de ton komen de jongen en het meisje te voorschijn.
Bron
Ype Poortinga: De foet fan de reinbôge. Fryske folksforhalen. Baarn [etc.], 1979, p. 73
Commentaar
16 september 1975
Zie o.a. J. Poortman, Drente, 1ste deel, Meppel 1943, p. 57-59.
Naam Overig in Tekst
Drinte 
Drinte 
Reeburg [Sint Nicolaas]
Reeburg [Sint Nicolaas]
Naam Locatie in Tekst
Drente
Drente
Datum Invoer
2013-03-01 14:46:20