YPFOE079 - Ierdmantsjes farre sielen fan ferstoarnen oer

Ierdmantsjes farre sielen fan ferstoarnen oer
Oan 'e oare kant fan de poelen en de Tsjûkemar der moat in lân lizze dêr't de deaden fertoeve. Klaas Mast, in âld man dy't hjir oan 'e Polderdyk wenne, hat it ús as bern ferteld. En yn myn ferbylding dan lei dat lân de kant op fan Dunegea en Sint-Nikelsgea. De ierdmantsjes dy't hjir by de Reahelle tahâlden dy foeren de sielen fan 'e ferstoarnen mei har lytse boatsjes oer nei dat goede plak.
Op in kear wienen de ierdmantsjes wer mei in boat, of in boatsje, fol sielen fan ferstoarnen op it wetter. Dat moat dêr earne yn dy trijehoek by De Ouwer en sa west ha —hoe hjit it dêr ek?— De Ulesprong. Se foeren ôf fan wêr't no de Polderdyk leit en wienen net iens sa fier út 'e wâl; se stieken sa skean oer nei Dunegea ta en doe wie dêr ynienen de duvel en dy kaam oan board. Hy woe har de sielen ûntkrije en bring se nei syn plak ta. Dy duvel dat wie in grutte foarse baas, dy't de ierdmantsjes wol oan koe. Mar likegoed koe hy yn dat boatsje. Dy lytse ierdmantsjes wienen ek net mak : dy ferward en har ta it u terste. Se lichten de duvel meiïnoar in skonk en donderen him oerboard. Doe hienen se gjin lêst mear fan him en koenen se de sielen fan 'e ferstoarnen nei it goede plak bringe.

Er moet zich ergens tussen het Tjeukemeer en de poelen een laan bevinden waar de doden vertoeven. De aardmannetjes brachten de zielen van de doden naar de goede plek. De duivel komt aan boord van het bootje en probeert de zielen los te krijgen en naar zijn plek te brengen. De aardmannetjes verdedigen de boot en gooien de duivel van boord. Nu hadden ze geen last meer van hem en konden ze rustig hun werk doen.

Ype Poortinga: De foet fan de reinbôge. Fryske folksforhalen. Baarn [etc.], 1979, p. 100

7 november 1975

Klaas Mast    Klaas Mast   

De Ouwer    De Ouwer   

Sint- Nicolaasga    Sint- Nicolaasga   

Tsjûkemeer    Tsjûkemeer   

Tsjeukemeer    Tsjeukemeer   

Polderdyk    Polderdyk   

Polderdijk    Polderdijk   

Ulesprong    Ulesprong   

Dunegea    Dunegea   

Doniaga    Doniaga   

Sint-Nikelsgea    Sint-Nikelsgea   

2013-03-01 14:46:20