YPFOE085 - De skûdelbank

De Skûdelbank
Witte jo wol, wêr't de Skûdelbank is? Sjoch, de Arumer feart rint sa nei Wytmarsum. De Skûdelbank dat wie de brêge, de syl. By de Skûdelbank nimt de feart in bocht en dêr krijt men wat se de Goudene Halsbân neame, de dyk dy't de Peinjumers en de Wytmarsumers yndertiden lein ha om har foar de see te befeiligjen. It is in griene dyk, suver in slachtedyk.
Dêr is ris in keapman fermoarde troch trije boeren, dy't dêr yn 'e Peinjumer Rige, tusken Peinjum en Arum, wennen, tichte by de Skûdelbank. Dy trije boeren wienen oan reapsein. Se tochten, dy keapman komt dêr dan en dan lâns en hy hat altyd in slompe jild by him, want hy docht hjir goeie saken. Se ha dêr dy keapman deamakke, mar fan dy oere ôf gong it mei dy trije mannen noch hurder by de steile berch del. It stellene jild wie samar fersille, as blaasden se it fuort.
En sûnt dy tiid doocht it net dêr by de Skûdelbank. Wannear't wy as jonges fan Arum binnentroch nei Peinjum gongen, moasten wy flak by de Skûdelbank lâns. Dan seinen wy: 'No moatte wy jûn net let werom, want dy Skûdelbank dêr spoeket it, hear!' Alde Arumers witte dat noch wol.

SINSAG 0450 - Andere Tote spuken.    SINSAG 0450 - Andere Tote spuken.   

Een koopman wordt door drie boeren vermoord omdat ze denken dat hij veel geld bij zich heeft. Sindsdien spookt het op deze plaats.

Ype Poortinga: De foet fan de reinbôge. Fryske folksforhalen. Baarn [etc.], 1979, p. 106

28 september 1976

Andere Tote spuken.

Skûdelbank    Skûdelbank   

Arummer vaart    Arummer vaart   

Goudene Halsbân    Goudene Halsbân   

Gouden halsband    Gouden halsband   

Peinjum    Peinjum   

Peinjumer Rige    Peinjumer Rige   

Peinjumers    Peinjumers   

Wytmarsumers    Wytmarsumers   

Arumer feart    Arumer feart   

Wytmarsum    Wytmarsum   

Pingjum    Pingjum   

2013-03-01 14:46:20