YPFOE109 - Jim moatte om dat frommis tinke

Jim moatte om dat frommis tinke
Destiids moatte der yn 'e Wythearenstrjitte hjir te Boalsert in pear minsken wenne ha, dy hienen gjin bern. De frou hie it der mei te dwaan. Dat minske rekke befreone mei Iju op it Hoog (de Heechstrjitte). Dy minsken hienen bern by de fleet en dat koe de frou op in doer net sette en doe't der wer in Iytse poppe kaam, waard se jaloersk.
Doe begûn dat wiif mei tsjoensterspraktiken. Se hie in popke en dêr stiek se spjelden yn. Dan hie de Iytse fan dy oare minsken pine en dy begûn te kwinen. Dêr gongen de âlden mei nei dokters ta, mar de dokters koenen net fine, wat it bern skeelde. Op 't lêst gong de heit fan dat bern nei de iene of oare duvelbander ta. Hy krige te hearren, it bern is betsjoend en jim moatte om dat frommis tinke.
De tsjoenster har man begûn har ek acht te slaan, want dy hie har in kear min ofte mear betrape, dat se mei kweaminskewurk dwaande wie. Doe troffen dy beide manlju inoar ris yn De Falk en ûnder in slokje bepraten se it gefal. Se sprieken ôf, de man fan dy tsjoenster soe stikem in gatsje yn 'e souder boarje, dat se har sjen koenen, as se allinne wie. Op in kear rôp er de heit fan it bern der by, se bespionearren har en doe kaam de hiele histoarje dan út. En doe't se ophâlde mei dy spjelden yn dat popke te stekken, knapte it bern op.
Myn pake Ale hat my dit ferhaal dien, mar hoett it ôfrûn is, oft der ek in rjochtssaak fan west hat of net, dat stiet my net goed mear foar.

SINSAG 0531 - Peinhexe quält einen Menschen mit einer Puppe, in welche sie Nadeln steckt.    SINSAG 0531 - Peinhexe quält einen Menschen mit einer Puppe, in welche sie Nadeln steckt.   

In Boalsert woonden eens een paar mensen die geen kinderen hadden. Ze waren jaloers op een gezin dat kinderen bij de vleet had. Een van de jaloerse vrouwen begon toen met toverpraktijken. Ze nam een popje en stak daar spelden in. Een van de kinderen wordt ziek en de dokters kunnen niets vinden. Uiteindelijk gaat de man naar een duiveluitdrijver waar hij te horen krijgt dat het kind behekst is. De man van de tovenares heeft ook zo zijn vermoedens en gaat met de vader van het kind de gangen van zijn vrouw na. De vrouw wordt betrapt en de spelden uit het popje gehaald. Het kind knapt later zienderogen op.

Ype Poortinga: De foet fan de reinbôge. Fryske folksforhalen. Baarn [etc.], 1979, p. 121

7 november 1972

Peinhexe quält einen Menschen mit einer Puppe, in welche sie Nadeln steckt. (Sie stirbt, wenn die Puppe verbrannt wird)

Hoog    Hoog   

De Falk (De Valk)    De Falk (De Valk)   

Ale    Ale   

Boalsert    Boalsert   

Bolsward    Bolsward   

Wythearenstrjitte    Wythearenstrjitte   

Witharenstraat    Witharenstraat   

Heechstrjitte    Heechstrjitte   

Hoogstraat    Hoogstraat   

2013-03-01 14:46:20