BOERDE06 - VAN EENRE BAGHINEN ENE GOEDE BOERDE

VAN EENRE BAGHINEN ENE GOEDE BOERDE
Van eenre baghinen will ic v singen,
Te Brusele gevielt inden wigaert,
Hoert hier boerdelike dinghen:
Si saten ende nopten op den standaert,
5 Dies worden si cortelike vervaert,
Want hem gesciede al selc een wonder;
Haer heimelijc drincken was geopenbaert,
Want dese baginen spelen gerne van onder.
[...]
10 [...]
[...]
[...]
[...]
[...]
15 [...]
[...]
[...]
[...]
[...]
20 [...]
Die baghine sprac: ic souts mi scamen
Quame yement ende van de mijn bedde tebroken.
Doen berieden si hen bede te samen,
Voer die bedsponde ghingen si stoken.

25 Dat vier dat groet was ende sterc,
Wilden si te blusschen bestaen,
Ende als si te besten laghen int werc -
Vreselijc si steken ende slaen,
Moeste die baghine van onder ontfaen,
30 Si werde haer vromelijc weder -
Ende eer die joeste was voldaen,
Soe vielen si beide te gader neder.

Alsoe si laghen bouen hen allen,
Want hem die soldervloer ontsanc,
35 Quamen si neder, op dlaken gevallen,
Arm in arm bouen haren danc;
Dat fondament was hem te cranc.
Men riep: deus! wat compt daer gesprongen?
Het dunct mi sijn een heilich sanc.
40 Joncffrouwe, es dit qualijc gesongen?

Ene baghine vragede: wat zijn die dinge?
In sacher noit gheen in ons convent.
Die selke loecte doer den vingher,
Si maecten al willens blent.
45 Die ene sprac: hets ons bekent
Dat wi de werelt selen meren.
Soe menich baghine dat men vint
Die dit spel gerne souden leren.

Dese jonghelinc es van danen gegaen
50 Ende dese baghine waert omgemuert,
In groten rouwe vaste bevaen,
Want dat laken was ghescuert.
In groter scaden was si becoert,
Nochtan en mochse niet droeuer bliuen.
55 Men spracker af weder ende voert
[...]

(De Middelnederlandse boerden. Voor het eerst verzameld uitgegeven door C. Kruyskamp. 's Gravenhage 1957, p.36-37)

Een begijn bedrijft het liefdesspel met een man zo vurig dat zij door de zolder zakken. Zij worden aldus betrapt door andere begijnen.

De Middelnederlandse boerden. Ed. C. Kruyskamp. 's Gravenhage 1957, p.36-37

14e eeuw

Zie ook: F. Lodder, `Een genre der boerden', in: Queeste 2 (1995) p. 54-71.
F. Lodder, `De moraal van de boerden', in: Nieuwe Taalgids 75 (1982) p. 39-49.
F.J. Lodder, Lachen om List en Lust. Studies over de Middelnederlandse komische versvertellingen. Ridderkerk 1996.
Over censuur in de tekst: F. Lodder, `Zwart gemaakte geestelijken in het handschrift-Van Hulthem', in:Tijdschrift voor Nederlandse taal- en letterkunde 109 (1993) p. 236-244.

Brusele    Brusele   

Brussel    Brussel   

2013-03-01 14:46:21